బ్రూ తెగకు ఆశ్రయం కల్పించొద్దంటూ త్రిపురలో ఆందోళన

బ్రూ తెగ వారికి తమ ప్రాంతంలో ఆశ్రయం కల్పిస్తుండటాన్ని వ్యతిరేకిస్తూ త్రిపుర ప్రజలు నిరసన బాట పట్టారు. ఆందోళనకారులు జాతీయ రహదారి బైఠాయించడం వల్ల రాకపోకలకు అంతరాయం ఏర్పడింది. ఈ నేపథ్యంలో పోలీసులు జరిపిన కాల్పుల్లో ఒకరు మృతిచెందారు. మరో 20 మందికి గాయాలయ్యాయి.

మిజోరాంకి చెందిన బ్రూ తెగకు చెందిన వారికి తమ ప్రాంతంలో ఆశ్రయం కల్పించడంపై శనివారం.. త్రిపుర ప్రజలు ఆగ్రహం వ్యక్తం చేశారు. ఉత్తర త్రిపుర దోలుబరి గ్రామంలోని జాతీయ రహదారిపై బైఠాయించారు. దీంతో రాకపోకలకు తీవ్ర అంతరాయం ఏర్పడింది. ఆందోళనలో భాగంగా రోడ్డుపై నిలిపి ఉన్న వాహనాలకు నిప్పంటించారు నిరసనకారులు. దీంతో పరిస్థితులను అదుపు చేసేందుకు భారీ సంఖ్యలో బలగాలు సంఘటనా స్థలానికి చేరుకున్నాయి. ఈ క్రమంలో పరిస్థితిని అదుపులోకి తెచ్చేందుకు ఆందోళనకారులపై పోలీసులు భాష్పవాయువు గోళాలను ప్రయోగించారు.

ఉత్తర త్రిపురలోని అసోం-అగర్తలా జాతీయ రహదారిపైనా ఆందోళన చేశారు నిరసనకారులు. ఈ నేపథ్యంలో పోలీసులు జరిపిన కాల్పుల్లో ఒకరు మృతిచెందగా, 20 మంది గాయాలపాలయ్యారు.

బ్రూ తెగకు సంబంధించిన వివాదం 1997 సెప్టెంబర్​ నుంచి కొనసాగుతోంది.

ఆందోళన చేపడుతోన్న ప్రజలు

భారీ సంఖ్యలో తరలి వచ్చిన పోలీసు బృందాలు

బైక్​కు నిప్పంటించిన ఆందోళనకారులు

బస్సు అద్దాలు ధ్వంసం చేసిన ఆందోళనకారులు

భాష్పవాయువు ప్రయోగిస్తోన్న పోలీసులు

పోలీసుల చర్యతో పరుగెడుతున్న ఆందోళనకారులు

ఇదీ చదవండి:తమిళనాడులో అమిత్​ షాకు ఘన స్వాగతం