ఛత్తీస్‌గఢ్లో మావోయిస్టులు (Naxals in Chhattisgarh) రెచ్చిపోయారు. సుక్మా జిల్లాలో ఐదుగురు గ్రామస్థులను అపహరించుకుపోయారు. శుక్రవారం నలుగురు, శనివారం మరో వ్యక్తిని కిడ్నాప్ చేశారు. అపహరణకు గురైన వారిలో ఓ మహిళ, నలుగురు పురుషులు ఉన్నారు.
వీరంతా కొంటా బ్లాక్లోని క్వాయిల్ గ్రామానికి చెందినవారని సుక్మా ఎస్పీ సునీల్ కుమార్ తెలిపారు. సెక్యూరిటీ హెడ్క్వాటర్కు ఈ గ్రామం 20 కిమీ దూరంలో ఉందని చెప్పారు. గ్రామస్థుల గురించి ఎలాంటి సమాచారం లేదని వివరించారు. అభివృద్ధి కార్యక్రమాలకు ఆటకం కలిగించి, భయపెట్టేందుకే మావోలు (Naxals news) ఇలాంటి చర్యలకు తెగబడుతున్నారని ఎస్పీ పేర్కొన్నారు. కిడ్నాప్పై వేగంగా దర్యాప్తు చేస్తున్నామని స్పష్టం చేశారు.
మరోవైపు, గ్రామస్థులను వదిలిపెట్టాలని సర్వా ఆదివాసీ సొసైటీ డిమాండ్ చేసింది. వారందరినీ సురక్షితంగా బయటపడేలా చూడాలని పోలీసులకు విజ్ఞప్తి చేసింది.
ఇదీ చదవండి: సముద్రంలో పాక్ కాల్పులు- భారతీయ జాలరి మృతి
