జిమ్లో చెప్పులతో దాడి.. భర్త వివాహేతర సంబంధమే కారణమా?
మధ్యప్రదేశ్ భోపాల్లోని ఓ జిమ్లో విస్తుపోయే సంఘటన జరిగింది. తన భర్త ఓ మహిళను ప్రేమిస్తున్నాడని అనుమానిస్తూ.. చెప్పులతో దాడికి దిగింది భార్య. భర్తను, ఆ మహిళను చెప్పులతో చితకబాదింది. ఈ వీడియో సామాజిక మాధ్యమాల్లో వైరల్ అయింది.
ఓ మహిళ(30) తన సోదరితో కలిసి ఆమె భర్త కసరత్తులు చేస్తున్న జిమ్కు వెళ్లింది. భర్తతో ప్రేమలో ఉందని అనుమానిస్తున్న మహిళ కూడా అక్కడే ఉంది. ఒక్కసారిగా చెప్పులు చేతపట్టుకుని భర్త, పక్కనున్న మహిళపై దాడికి దిగింది. జిమ్లో ఉన్నవారందరూ ఆపడానికి ప్రయత్నించినా ఫలితం లేకపోయింది.
భార్య ఆరోపణలను భర్త తోసిపుచ్చాడు. తనకు ఆమె ఎవరో కూడా తెలియదని అన్నాడు. ఇరువురు ఒకరిపై ఒకరు ఫిర్యాదు చేసుకున్నారు. కేసు నమోదు చేసిన పోలీసులు దర్యాప్తు ప్రారంభించారు.
ఇదీ చదవండి: స్నేహితులతో కలిసి హత్య చేసి.. మృతదేహంతో..
