'వైద్య వృత్తి ఎంతో గొప్పది'

కరోనా మహమ్మారిపై పోరులో ముందు వరుసలో ఉండి పోరాడుతున్న వైద్య, ఆరోగ్య సిబ్బంది సేవలను కొనియాడారు కేంద్ర ఆరోగ్యమంత్రి హర్షవర్ధన్​. వైద్య వృత్తి ఎంతో గొప్పదని అన్నారు.

వైద్యవృత్తి అనేది అన్నింటి కన్నా గొప్పదని కేంద్ర ఆరోగ్య, కుటుంబ సంక్షేమ శాఖ మంత్రి హర్షవర్ధన్​ అన్నారు. ఒత్తిడితో కూడిన పని అని అభిప్రాయపడ్డారు. మహమ్మారిపై ముందుండి పోరాటం చేస్తున్న వైద్యుల సేవలు వెల కట్టలేనివని అన్నారు. గుజరాత్ రాజ్‌కోట్​లో వైద్య విద్యార్థులను ఉద్దేశించి వర్చువల్​గా చేసిన ప్రసంగంలో ఆయన ఈ వ్యాఖ్యలు చేశారు. స్థానికంగా ఉన్న ఎయిమ్స్​లో 2020-2021 విద్యాసంవత్సరాన్ని ప్రారంభించిన ఆయన నూతన విద్యార్థులకు అభినందనలు తెలియజేశారు.

"వైద్యవృత్తి చాలా గొప్పది. ఇందులో ఒత్తిడి అదే స్థాయిలో ఉంటుంది. మీరు(విద్యార్థులు) కొత్తగా ఈ రంగంలోకి అడుగు పెట్టబోతున్నారు. మీకు నా అభినందనలు. వైద్యవృత్తిని ఎంచుకున్న మీ ఆలోచనలు ప్రశంసించదగినవి. కరోనా కష్టకాలంలో డాక్టర్లు అందిచిన సేవలు వెలకట్టలేనివి. ప్రస్తుతం మహమ్మారిపై పోరాటంలో వైద్యులు, ఆరోగ్య కార్యకర్తలు ముందంజలో ఉన్నారు."

-హర్షవర్ధన్, కేంద్ర ఆరోగ్య, కుటుంబ సంక్షేమ శాఖ మంత్రి