GUN FIRE IN UP: ఉత్తర్ప్రదేశ్లోని బులందర్శహర్లో చౌదరివాడ ప్రాంతంలో ఉన్న డానిశ్ హోటల్ యజమాని అబ్దుల్ వాహిద్ పై ఓ వ్యక్తి కాల్పులు జరిపాడు. ఆదివారం రోజు మాంసాహారం లేదని చెప్పినందుకు ఈ దారుణానికి పాల్పడ్డాడు. దాడిలో హోటల్ ధ్వసం అయినట్లు పోలీసులు పేర్కొన్నారు.
ఇదీ జరిగింది..
తనకు నాన్ వెజ్ కావాలని ఓ వ్యక్తి వాహిద్ హోటల్కు వచ్చాడు. నాన్ వెజ్ లేదని కేవలం వెజ్ పదార్థాలు ఉన్నాయని హోటల్ సిబ్బంది ఆ వ్యక్తికి సూచించారు. కావాలంటే వాటి నుంచి ఏదైనా ఆర్డర్ చేయాల్సిందిగా చెప్పారు. దీంతో ఆ వ్యక్తి అక్కడ నుంచి లేచి వెళ్లి కొంత సమయం తరువాత మరికొందరితో వచ్చినట్లు సిబ్బంది తెలపారు. అక్కడ ఉన్న ఆహారాన్ని తినడమే కాకుండా తూపాకీతో కాల్పులు జరిపినట్లు పేర్కొన్నారు. ఈ ఘటనలో ఒక బులెట్ వాహిద్ మేనల్లుడు అతీక్ కాలికి తగిలినట్లు పోలీసులు తెలిపారు.
అతీక్ను చికిత్స కోసం స్థానికంగా ఉండే ఆసుపత్రికి తరలించినట్లు పోలీసులు తెలిపారు. నిందితుల్లో ఇద్దరిని అరెస్ట్ చేసినట్లు పేర్కొన్నారు. మిగతా వారి కోసం గాలిస్తున్నట్లు చెప్పారు.
ఇదీ చూడండి:
