Onam 2021: ఘనంగా ఓనమ్​.. ప్రధాని, రాష్ట్రపతి శుభాకాంక్షలు

మలయాళీల నూతన సంవత్సరం-ఓనమ్​ పండుగను(Onam 2021) ఘనంగా జరుపుకొంటున్నారు. కరోనా జాగ్రత్తలు పాటిస్తూ వేడుకలు చేసుకుంటున్నారు. చిన్నారులు వివిధ వేషధారణలో మురిపిస్తున్నారు. ప్రధాని నరేంద్ర మోదీ, రాష్ట్రపతి రామ్​నాథ్​ కోవింద్​ శుభాకాంక్షలు తెలిపారు.

కేరళలో ఓనమ్​ పండుగను(Onam 2021) ఘనంగా జరుపుకొంటున్నారు మలయాళీలు. కరోనా జాగ్రత్తలు పాటిస్తూ వేడుకలు చేసుకుంటున్నారు. చిన్నాపెద్ద అంతా సంప్రదాయ దుస్తులు ధరించి కుటుంబ సభ్యులతో కలిసి వేడుకల్లో పాల్గొన్నారు. ఈ సందర్భంగా.. తిరువనంతపురంలోని శ్రీ పద్మనాభస్వామి ఆలయానికి పెద్ద సంఖ్యలో తరలివచ్చారు భక్తులు. స్వామివారికి ప్రత్యేక పూజలు నిర్వహించారు.

ఆలయానికి వెళ్తున్న యువతులు

అనంతపద్మనాభ స్వామి ఆలయం

అనంత పద్మనాభ స్వామి ఆలయంలో

కోయంబత్తూర్​లోని శ్రీ అయ్యప్ప ఆలయానికి పెద్ద సంఖ్యలో తరలివచ్చారు భక్తులు. అయితే.. కొవిడ్​ ఆంక్షల నేపథ్యంలో గుడిలోపలికి ఎవరినీ అనుమతించలేదు.

రాష్ట్రపతి, ఉపరాష్ట్రపతి, ప్రధాని శుభాకాంక్షలు

ఓనమ్​ పండుగను(Onam Festival) పురస్కరించుకుని మలయాళీలకు శుభాకాంక్షలు తెలిపారు రాష్ట్రపతి రామ్​నాథ్​ కోవింద్​, ఉపరాష్ట్రపతి వెంకయ్య నాయుడు, ప్రధానమంత్రి నరేంద్ర మోదీ. 'ఈ పండుగ సానుకూలత, చైతన్యం, సోదరభావం, సామరస్యంతో ముడిపడి ఉంటుంది. ప్రతి ఒక్కరు ఆయురారోగ్యాలు, అష్టఐశ్వర్యాలతో వర్ధిల్లాలని ప్రార్థిస్తున్నా' అని మోదీ ట్వీట్​ చేశారు.

మోదీ ట్వీట్​

'ప్రజలందరికీ ఓనమ్​ పండుగ శుభాకాంక్షలు. ఈ పండుగ కొత్త పంటల వేడుక. రైతుల నిర్వరామ కృషికి నిదర్శనం. మాతృభూమి స్వభావాన్ని ప్రపంచానికి చాటి చెప్పే గొప్ప సందర్భం. ప్రజలందరూ సంతోషం, ఐశ్వర్యాలతో వర్ధిల్లాలి.' అని ట్వీట్​ చేశారు రాష్ట్రపతి రామ్​నాథ్​ కోవింద్​.

శశిథరూర్​ ఇంట్లో ఓనమ్​..

కేరళల పాలక్కడ్​లోని ఇంటిలో.. కుటుంబ సభ్యులతో కలిసి ఓనమ్​ ఉత్సవాలు ఘనంగా జరుపుకొన్నారు కాంగ్రెస్​ ఎంపీ శశిథరూర్. సంప్రదాయ దుస్తులు ధరించి ఊయల ఊగుతున్న ఓ వీడియోను సామాజిక మాధ్యమాల్లో షేర్​ చేశారు. ప్రజలకు ఓనమ్​ శుభాకాంక్షలు చెప్పారు. ​

• There’s an Onam swing tradition that one normally leaves to young girls. I was persuaded to get Into the spirit of things this year. Happy Onam! pic.twitter.com/Z23nJ9Fmfp

  — Shashi Tharoor (@ShashiTharoor) August 21, 2021 " class="align-text-top noRightClick twitterSection" data="

  There’s an Onam swing tradition that one normally leaves to young girls. I was persuaded to get Into the spirit of things this year. Happy Onam! pic.twitter.com/Z23nJ9Fmfp

  — Shashi Tharoor (@ShashiTharoor) August 21, 2021

  ">

  There’s an Onam swing tradition that one normally leaves to young girls. I was persuaded to get Into the spirit of things this year. Happy Onam! pic.twitter.com/Z23nJ9Fmfp

  — Shashi Tharoor (@ShashiTharoor) August 21, 2021

10 రోజుల పాటు..

మలయాళీల నూతన సంవత్సరం ఓనమ్​ పండుగ. మలయాళం క్యాలెండర్​ ప్రకారం చింగమ్​ నెలలో 22వ నక్షత్ర తిరువోనమ్​ ప్రకారం తేదీని నిర్ణయిస్తారు. ఆగస్టు-సెప్టెంబర్​ మధ్య వస్తుంది. ఈ ఉత్సవాలు 10 రోజుల పాటు జరుగుతాయి. తిరువోనమ్​తో పూర్తవుతాయి.

వర్చువల్​గా..

కరోనా కేసులు పెరుగుతున్న నేపథ్యంలో ఈ ఏడాది ఓనమ్​ ఉత్సవాలను వర్చువల్​గా నిర్వహించాలని నిర్ణయించింది కేరళ ప్రభుత్వం. ఆగస్టు 14న వర్చువల్​ ఉత్సవాలు ప్రారంభమయ్యాయి.

ఇదీ చూడండి: ఓనమ్​ వేడుకల్లో అలనాటి 'కుమ్మత్తికాళి' కళకళలు