నూతన వ్యవసాయ చట్టాలకు వ్యతిరేకంగా ఆందోళనలు చేస్తున్న రైతులకు మద్దతుగా నిలిచారు మక్కల్ నీది మయ్యమ్(ఎంఎన్ఎం) పార్టీ అధినేత కమల్ హాసన్. రైతుల డిమాండ్లను కేంద్ర ప్రభుత్వం తీర్చాలన్నారు. తమిళనాడులో వచ్చే ఏడాది జరుగనున్న అసెంబ్లీ ఎన్నికల్లో రజనీకాంత్ మద్దతు కోరనున్నట్టు వెల్లడించారు. 'నివర్' తుపాను బాధితులను ఆదుకోవటంలో తమిళనాడు ప్రభుత్వం విఫలమైందని ఆరోపించారు.
పార్టీ నూతన కార్యదర్శిగా మాజీ ఐఏఎస్ అధికారి సంతోష్ బాబును మంగళవారం నియమించారు కమల్. 2021ఎన్నికలకు సంబంధించి పార్టీ మేనిఫెస్టో బాధ్యతలను సంతోష్కు అప్పగించారు.
కమల్ హాసన్ మక్కల్ నీది మయ్యమ్ పార్టీని 2018లో స్థాపించారు. రానున్న తమిళనాడు అసెంబ్లీ ఎన్నికల్లో పార్టీ పోటీ చేయనుంది.
ఇదీ చదవండి: 2021 ఎన్నికల బరిలో కమల్ హాసన్
