బ్యాంకులు నుంచి తీసుకున్న అప్పులను ఎగ్గొట్టేందుకు ఓ వ్యక్తి సినిమా తరహాలో ప్లాన్ చేశాడు. కుటుంబంతో సహా తాను రోడ్డు ప్రమాదంలో చనిపోయినట్లు పోలీసులను నమ్మించే ప్రయత్నం చేశాడో జమ్ముకశ్మీర్కు చెందిన వ్యక్తి. ఇంతకీ ఏం జరిగిందంటే..
పోలీసులు తెలిపిన వివరాల ప్రకారం..
దోడ జిల్లాకు చెందిన మంజీత్ సింగ్ అనే వ్యక్తి వ్యాపారాన్ని పెట్టేందుకు బ్యాంకులు, కొందరు వ్యక్తుల నుంచి రూ.30 లక్షలు అప్పుగా తీసుకున్నాడు. అయితే ఈ డబ్బులను తిరిగి కట్టకుండా ఉండేందుకు ఒక ప్లాన్ చేశాడు. భదర్వా నుంచి జమ్ముకు వెళ్లేటప్పుడు కారు అదుపు తప్పి చీనాబ్ నదిలో పడిపోయింది. గతేడాది డిసెంబరు 20న జరిగిందీ ఘటన. ప్రమాద సమాచారం అందుకున్న పోలీసులు ఘటనాస్థలికి చేరుకుని సహాయక చర్యలు చేపట్టారు. వారికి అక్కడ మంజీత్.. గుర్తింపు కార్డులు, డ్రైవింగ్ లైసెన్స్, ఈ-శ్రామ్ కార్డు లభించింది. కారును చీనాబ్ నది నుంచి బయటకు తీశారు. పోలీసులు, ఎస్డీఆర్ఎఫ్ బృందాలు కొన్ని రోజుల పాటు వెతికినా మంజీత్ సింగ్ కుటుంబం ఆచూకీ కనిపించలేదు. ఈ క్రమంలో పోలీసులు మంజీత్ సింగ్ ఆర్థిక పరిస్థితిని పరిశీలించారు. ఈ క్రమంలో పోలీసులు బృందాలుగా ఏర్పడి మంజీత్సింగ్ కోసం గాలించారు. అప్పడే విస్తుపోయే నిజాలు బయటపడ్డాయి.
"మంజీత్ సింగ్ వ్యాపారం పెట్టడం కోసం బ్యాంకులు, వేర్వేరు వ్యక్తుల వద్ద నుంచి రూ. 30 లక్షలు అప్పుగా తీసుకున్నాడు. ఆ రుణాలను ఎగ్గొట్టేందుకు రోడ్డు ప్రమాదంలో తన కుటుంబంతో సహా తాను మరణించినట్లు అందరినీ నమ్మించేందుకు ప్లాన్ చేశాడు. పోలీసు బృందాలు గాలించి మనీందర్ కుటుంబాన్ని హరియాణాలోని పంచకులలో పట్టుకున్నాం. అతడిపై కేసు నమోదు చేశాం.
--పోలీసులు
