Indian Navy Jobs 2023 : ఐటీఐ, డిప్లొమా, డిగ్రీ పూర్తి చేసి ఉద్యోగాన్వేషణలో ఉన్న వారికి గుడ్న్యూస్. వివిధ విభాగాల్లో ఖాళీగా ఉన్న మొత్తం 910 సివిలియన్ పోస్టులను భర్తీ చేసేందుకు నోటిఫికేషన్ విడుదల చేసింది భారత నౌకాదళం. ఇండియన్ నేవీ సివిలియన్ ఎంట్రన్స్‌ టెస్టు (ఐఎన్‌సెట్‌) ద్వారా ఈ నియామకాలను చేపట్టనున్నారు. అర్హత ఉండి ఆసక్తి గల యువతీయువకులు ఆన్లైన్లో దరఖాస్తు చేసుకోవచ్చు.
పోస్టుల వివారులు
Indian Navy Jobs 2023 Vacancy Details :
ఛార్జ్మెన్ వర్క్‌షాప్‌ పోస్టుల వివరాలు(గ్రూప్‌-బీ)
మొత్తం ఖాళీలు - 22
ఛార్జ్మెన్ వర్క్‌షాప్‌కు కావాల్సిన విద్యార్హతలు
బీఎస్సీ మ్యాథ్స్‌/ఫిజిక్స్‌/కెమిస్ట్రీ చదివి ఉండాలి. లేదా కెమికల్‌ ఇంజినీరింగ్‌లో డిప్లొమా పూర్తి చేసి ఉండాలి.
ఛార్జ్మెన్ ఫ్యాక్టరీ పోస్టుల వివరాలు(గ్రూప్‌-బీ)
మొత్తం ఖాళీలు- 20
ఛార్జ్మెన్ ఫ్యాక్టరీకు కావాల్సిన విద్యార్హతలు
బీఎస్సీ మ్యాథ్స్‌/ ఫిజిక్స్‌/ కెమిస్ట్రీ చదివి ఉండాలి. లేదా ఎలక్ట్రికల్‌/ ఎలక్ట్రానిక్స్‌/ మెకానికల్‌/ కంప్యూటర్‌ ఇంజినీరింగ్‌లో డిప్లొమా పూర్తి చేసి ఉండాలి.
సీనియర్‌ డ్రాఫ్ట్స్‌మెన్‌ పోస్టుల వివరాలు(గ్రూప్‌-బీ)
- ఎలక్ట్రికల్‌- 142
- మెకానికల్‌- 26
- కన్‌స్ట్రక్షన్‌- 29
- కార్టోగ్రాఫిక్‌- 11
- ఆర్మమెంట్‌- 50
సీనియర్‌ డ్రాఫ్ట్స్‌మెన్‌కు కావాల్సిన విద్యార్హతలు
- పదో తరగతి ఉత్తీర్ణత తప్పనిసరి.
- రెండేళ్ల డిప్లొమా లేదా డ్రాఫ్ట్‌మెన్‌షిప్‌లో ఐటీఐ సర్టిఫికెట్‌ ఉండాలి.
- దరఖాస్తు చేసుకున్న విభాగం ప్రకారం ఎలక్ట్రికల్‌/ మెకానికల్‌/ నేవల్‌ ఆర్కిటెక్చర్‌/ కార్టోగ్రఫీ వీటిలో ఎందులోనైనా మూడేళ్లు డ్రాయింగ్‌/ డిజైన్‌ అనుభవం తప్పనిసరి.
డ్రాఫ్ట్స్‌మెన్‌ మేట్‌ పోస్టుల వివరాలు(గ్రూప్‌-సీ)
- వెస్ట్రన్‌ నేవల్‌ కమాండ్‌- 565
- సదరన్‌ నేవల్‌ కమాండ్‌- 36
- ఈస్టర్న్‌ నేవల్‌ కమాండ్‌- 9
డ్రాఫ్ట్స్‌మెన్‌ మేట్‌కు కావాల్సిన విద్యార్హతలు
- పదో తరగతిలో ఉత్తీర్ణతతోపాటు ఐటీఐ నిర్దేశిత ట్రేడుల్లో సర్టిఫికెట్‌ తప్పనిసరి.
- నోటిఫికేషన్‌లో పేర్కొన్న 64 ఐటీఐ ట్రేడుల్లో ఏదైనా పూర్తి చేసుకున్నవారు దరఖాస్తు చేసుకునేందుకు అర్హులు.
ఏజ్ లిమిట్
Indian Navy Jobs 2023 Age Limit : (2023 డిసెంబరు 31 నాటికి)
- సీనియర్‌ డ్రాఫ్ట్స్‌మెన్‌ ఉద్యోగాలకు 27 ఏళ్లు మించకూడదు.
- ఛార్జ్మెన్, ట్రేడ్స్‌మెన్‌ మేట్‌ పోస్టులకు అభ్యర్థుల వయస్సు 18-25 ఏళ్లలోపు ఉండాలి.
వయోపరిమితి సడలింపులు
Indian Navy Jobs 2023 Age Limit Exemption :
- ఓబీసీలకు- 3 ఏళ్లు
- ఎస్సీ, ఎస్టీలకు- 5 ఏళ్లు
- దివ్యాంగులకు- 10 ఏళ్లు వరకు వయోపరిమితి సడలింపులు వర్తిస్తాయి.
దరఖాస్తు రుముసు
Indian Navy Jobs 2023 Application Fees :
- ఎస్సీ, ఎస్టీ, దివ్యాంగులు, మహిళా అభ్యర్థులకు అప్లికేషన్ ఫీజు నుంచి మినహాయింపు కల్పించారు.
- మిగతా కేటగిరీలకు చెందిన అభ్యర్థులు రూ.295లను దరఖాస్తు రుసుముగా చెల్లించాల్సి ఉంటుంది.
జీతభత్యాలు
Indian Navy Jobs 2023 Salary Details :
- గ్రూప్‌-బీ పోస్టులకు ఎంపికైనవారు లెవెల్‌-6 ప్రకారం, నెలకు రూ.55,000 వరకు వేతనం ఇస్తారు.
- గ్రూప్‌-సీలో పోస్టులైన ట్రేడ్స్‌మెన్‌ మేట్‌ ఉద్యోగానికి సెలెక్ట్ అయినవారికి రూ.30,000 జీతం ఇస్తారు.
- వీటితోపాటు ఉద్యోగులందరికీ డీఏ, హెచ్‌ఆర్‌ఏ లాంటి అదనపు బెనిఫిట్స్ కూడా లభిస్తాయి.
పరీక్ష విధానం
Indian Navy Jobs 2023 Exam Pattern :
- రాత పరీక్షను వంద మార్కులకు ఆబ్జెక్టివ్‌ పద్ధతిలో నిర్వహిస్తారు.
- ప్రతి ప్రశ్నకు ఒక మార్కును కేటాయిస్తారు.
- పరీక్ష వ్యవధి 90 నిమిషాలు.
- ప్రశ్నాపత్రం ఇంగ్లీష్, హిందీ భాషల్లో ఉంటుంది.
ఎంపిక ప్రక్రియ
Indian Navy Jobs 2023 Selection Process : రాత పరీక్షలో ఉత్తీర్ణత సాధించిన అభ్యర్థులకు వైద్య పరీక్షలు నిర్వహించి, ఉద్యోగ విధుల్లోకి తీసుకుంటారు.
పరీక్ష తేదీ
Indian Navy Jobs 2023 Exam Date : మీ రిజిస్టర్డ్ ఈమెయిల్ లేదా మొబైల్ నంబర్కు పరీక్ష తేదీకి సంబంధించిన వివరాలు వస్తాయి.
దరఖాస్తుకు ఆఖరు తేదీ
Indian Navy Jobs 2023 Apply Last Date : 2023 డిసెంబరు 31 వరకు ఆన్లైన్లో దరఖాస్తులు స్వీకరిస్తారు.
జాబ్ లొకేషన్
Indian Navy Jobs 2023 Job Location : ఉద్యోగానికి ఎంపికైన అభ్యర్థులు దేశంలోని వివిధ నేవీ కేంద్రాల్లో విధులు నిర్వర్తించాల్సి ఉంటుంది.
అధికారిక వెబ్సైట్
Indian Navy Official Website : పరీక్ష సిలబస్ సహా నోటిఫికేషన్కు సంబంధించి పూర్తి వివరాల కోసం భారత నేవీ అధికారిక వెబ్సైట్ https://www.joinindiannavy.gov.in/ను చూడవచ్చు.
డిగ్రీ అర్హతతో DRDOలో 102 ఉద్యోగాలు - అప్లై చేసుకోండిలా!
డిగ్రీ, డిప్లొమా, ఐటీఐ అర్హతతో 400 గవర్నమెంట్ జాబ్స్ - అప్లై చేసుకోండిలా!
