దేశంలో కరోనా కేసుల సంఖ్య స్వల్పంగా తగ్గినా.. మరణాల సంఖ్య మరింత పెరిగింది. కొత్తగా మరో రెండు లక్షల 59వేల 170 కేసులు వెలుగులోకి వచ్చాయి. 1761 మంది ప్రాణాలు కోల్పోయారు. ఒక్క రోజులో సంభవించిన మరణాలలో ఇవే అధికం.
- మొత్తం కేసులు: 1,53,21,089
- మొత్తం మరణాలు: 1,80,530
- కోలుకున్నవారు: 1,31,08,582
- యాక్టివ్ కేసులు: 20,31,977
సోమవారం ఒక్కరోజే 15,19,486 నమూనాలను పరీక్షించినట్లు ఐసీఎంఆర్ తెలిపింది. మొత్తంగా 26 కోట్ల 94 లక్షల పరీక్షలు జరిపినట్లు స్పష్టం చేసింది.
దేశంలో మొత్తంగా 12 కోట్ల 71 లక్షలకుపైగా టీకా డోసులు పంపిణీ చేసినట్లు అధికారులు తెలిపారు.
