గుజరాత్లో స్థానిక పోరుకు రంగం సిద్ధమైంది. నేడు (ఆదివారం) రాష్ట్రంలోని 81 మున్సిపాలిటీలు, 31 జిల్లా పంచాయతీలు, 231 తాలుకా పంచాయతీలకు ఎన్నికలు జరగనున్నాయి. ఓట్ల లెక్కింపు ప్రక్రియ మార్చి 2న చేపట్టనున్నారు. ఈ మేరకు ఆ రాష్ట్ర ఎన్నికల కమిషన్ తెలిపింది.
మొత్తం 8,473 స్థానాలకు ఈ ఎన్నికలు జరగనున్నాయి. మున్సిపాలిటీల్లో 680 వార్డులకు గాను 2,720 స్థానాలు, జిల్లా పంచాయతీల్లో 980 స్థానాలు, తాలుకా పంచాయతీల్లో 4,773 స్థానాలకు ఈ ఎన్నికలు జరగనున్నాయి. 3.04 కోట్ల మంది ఓటర్లు తమ ఓటు హక్కును వినియోగించుకోనున్నారు. 36,008 బూత్ల్లో ఈ ఎన్నికలను నిర్వహించనున్నారు.
స్థానిక సంస్థల ఎన్నికల నేపథ్యంలో అధికారులు పటిష్ట భద్రతా ఏర్పాట్లు చేశారు. 44,000 మంది పోలీసు సిబ్బంది సహా, 12 సీఏపీఎఫ్ కంపెనీలు, 54,000 మంది హోమ్గార్డులు.. భద్రతా విధుల్లో పాల్గొనున్నారు.
ఈ ఎన్నికల్లో మరోమారు సత్తాచాటాలని భాజపా ఊవిళ్లూరుతుండగా.. కాంగ్రెస్, ఆమ్ ఆద్మీ పార్టీలు తమ అదృష్టాన్ని పరీక్షించుకునేందుకు సిద్ధమయ్యాయి.
దిల్లీలో ఉప ఎన్నికలు..
దిల్లీలో ఐదు మున్సిపల్ వార్డులకు ఆదివారం ఉపఎన్నికలు జరగనున్నాయి. రోహిణీ-సీ, శాలిమార్ బాగ్, త్రిలోక్పురి, కల్యాణ్పురి, చౌహాన్ బంగర్ మున్సిపల్ వార్డులకు ఈ ఎన్నికలు జరగనున్నాయి.
ఉదయం 7:30 గంటల నుంచి సాయంత్రం 5:30 గంటల వరకు.. 2.42 లక్షల మంది ఓటర్లు తమ ఓటు హక్కును వినియోగించుకోనున్నారని ఆ రాష్ట్ర ఎన్నికల కమిషన్ తెలిపింది.
మార్చి 3న ఫలితాలు ప్రకటించనున్నారు. 26 మంది అభ్యర్థులు పోటీ పడుతుండగా.. 327 పోలింగ్ కేంద్రాలు ఎన్నికలను నిర్వహించనున్నారు.
ఇదీ చదవండి:ప్రధాని సొంతూరిలో స్థానిక సమరానికి సై
