అంతర్జాతీయ పేమెంట్ కార్డుల నెట్వర్క్లైన అమెరికన్ ఎక్స్ప్రెస్, డైనర్స్ క్లబ్లపై రిజర్వు బ్యాంక్ కొరడా ఝులిపించింది. పేమెంట్ వ్యవస్థ సమాచారాన్ని నిల్వ చేయడంలో సరైన నిబంధనలు పాటించని కారణంగా.. ఈ రెండు సంస్థలపై ఆంక్షలు విధించింది. మే 1నుంచి కొత్త వినియోగదారులను చేర్చుకోకూడదని ఆదేశించింది. అయితే ప్రస్తుతం ఉన్న వినియోగదారులపై ఈ ఆంక్షలతో ఎలాంటి ప్రభావం ఉండదని తెలిపింది.
ఆర్బీఐ నిబంధనల ప్రకారం పేమెంట్ సిస్టమ్ ప్రొవైడర్లు.. తమ వినియోగదారుల పూర్తి సమాచారాన్ని ప్రతి ఆరు నెలలకు ఒకసారి సంబంధిత వ్యవస్థలో నిక్షిప్తం చేయాలి. ఈ వ్యవస్థలు భారత్లోనే ఉండాలి. దీంతో పాటు ఈ సమాచారాన్ని ఆర్బీఐతో పంచుకోవాలి. కంపెనీ బోర్డు ఆమోదించిన ఆడిట్ రిపోర్టును ఆర్బీఐకి సమర్పించాలి.
ఇదీ చదవండి- సెప్టెంబరు కల్లా కొవావ్యాక్స్‌ టీకా!
