Gang rape: రాజస్థాన్ చురు జిల్లాలో దారుణ ఘటన వెలుగులోకి వచ్చింది. ఇద్దరు మైనర్ అక్కాచెలెళ్లపై ముగ్గురు దుండగులు ఏడాదిగా సామూహిక అత్యాచారానికి పాల్పడ్డారు. సర్దార్‌షహర్ పోలీస్ స్టేషన్ పరిధిలోని ఓ గ్రామంలో జరిగిన ఈ ఘటన ఆలస్యంగా వెలుగులోకి వచ్చింది.
ఇదీ జరిగింది..
ఈ ఘటనపై బాధితురాళ్ల తండ్రి.. పోలీసులకు ఫిర్యాదు చేయడగా అసలు విషయం వెలుగులోకి వచ్చింది. "ఫిర్యాదుదారుడికి ఐదుగురు కుమార్తెలు, ఒక కుమారుడు సంతానం. ముగ్గురు కూతుళ్లకు పెళ్లిళ్లు కాగా.. ఇద్దరు మైనర్ కూతుళ్లు ఇంట్లోనే ఉంటున్నారు. ఈ ఇద్దరిపై అదే గ్రామానికి చెందిన ముగ్గురు నిందితులు ఏడాదిగా అత్యాచారానికి పాల్పడుతున్నారు. ఈ విషయం ఎవరికైనా చెబితే తండ్రిని చంపేస్తామని బెదిరించారు. తన కుమార్తె అసభ్యకరమైన ఫోటోలను సోషల్ మీడియాలో పోస్ట్ చేశారు" అని పోలీసులు తెలిపారు.
జనవరి 31న రాత్రి నిందితులు ముగ్గురు.. బాలికల ఇంటికి వెళ్లి అత్యాచారానికి పాల్పడ్డారు. అయితే నిందితులు పారిపోతున్న సమయంలో బాధితురాళ్ల సోదరుడు వారిని వెంబడించాడు. ఈ క్రమంలో ఓ నిందితుడు పట్టుబడగా మిగిలిన ఇద్దరు తప్పించుకున్నారు.
ఈ ఘటనపై కేసు నమోదు చేసుకున్న పోలీసులు.. దర్యాప్తు చేస్తున్నట్లు తెలిపారు.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి: బరాత్లో కారుపైకి ఎక్కి స్టెప్పులేసిన పెళ్లి కూతురు.. వీడియో వైరల్
