Satyendar Jain ED raids: హవాలా కేసులో అరెస్ట్ అయిన దిల్లీ ఆరోగ్య శాఖ మంత్రి సత్యేందర్ జైన్ నివాస ప్రాంగణాలు, మరికొన్ని ప్రాంతాల్లో ఎన్‌ఫోర్స్‌మెంట్ డైరెక్టరేట్(ఈడీ) దాడులు నిర్వహించింది. జైన్‌పై మనీలాండరింగ్ కేసు విచారణలో భాగంగా ఈడీ.. సోమవారం దాడులు నిర్వహించిందని అధికారులు తెలిపారు. ఈ కేసులో 'ఫాలో అప్'లో భాగంగా దాడులు చేపట్టినట్లు వెల్లడించారు.
మనీలాండరింగ్ నిరోధక చట్టంలోని క్రిమినల్ సెక్షన్ల కింద 57 ఏళ్ల జైన్ను మే 30న అరెస్టు చేశారు జూన్ 9 వరకు ఎన్‌ఫోర్స్‌మెంట్ డైరెక్టరేట్ కస్టడీలో ఉండనున్నారు. కస్టడీలో ఉన్న జైన్ను ప్రశ్నించిన ఈడీకి కొన్ని ఆధారాలు లభించినట్లు తెలుస్తోంది. మరికొందరు హవాలా ఆపరేటర్లను ప్రశ్నించిన తర్వాత.. జైన్ ఇంట్లో సోదాలు నిర్వహించాలని నిర్ణయించుకుంది. తమకు లభించిన ఆధారాలపై ఏదైనా సమాచారం దొరుకుతుందేమోనని తాజా దాడులు చేపట్టినట్లు అధికారులు తెలిపారు.
ఇదీ చదవండి:
