దేశంలోని రహదారులు రక్తమోడుతున్నాయి. రెండు వేర్వేరు ప్రమాదాల్లో మొత్తం 10 మంది ప్రాణాలు కోల్పోయారు.
రాజస్థాన్ ఝాలావర్ జిల్లా బడబేలా గ్రామం వద్ద ఘోర ప్రమాదం చోటుచేసుకుంది. రోడ్డు పక్కన నిద్రిస్తున్న ఓ కుటుంబంపైకి ట్రక్కు దూసుకెళ్లింది. ఈ ఘటనలో ఐదుగురు ప్రాణాలు కోల్పోయారు. మృతుల్లో ఓ మహిళ, ముగ్గురు చిన్నారులు ఉన్నారు. ఈ ప్రమాదం బుధవారం రాత్రి సుమారు 12 గంటలకు జరిగినట్లు పోలీసులు వెల్లడించారు. మృతులు సురేశ్, సీతాబాయి, నిర్మల్, కమలేశ్, పవన్లగా గుర్తించారు.
మహారాష్ట్రలో..
మహారాష్ట్రలోని నన్దర్బార్ జిల్లాలో రెండు ద్విచక్రవాహనాలు ఢీకొని ఐదుగురు మృతిచెందారు. మృతుల్లో ముగ్గురు తులాజ గ్రామానికి చెందగా, మరో ఇద్దరు తలోడా గ్రామస్థులుగా అధికారులు గుర్తించారు.
