Delivery Boy Tried To Rape Girl : నిత్యావసరాలు ఇచ్చేందుకు వెళ్లిన ఓ డెలివరీ బాయ్.. ఆ ఇంట్లో ఒంటరిగా ఉన్న బాలికపై అత్యాచారయత్నం చేశాడు. ఈ ఘటన గ్రేటర్ నొయిడాలో జరిగింది. బాధితురాలి ఫిర్యాదు మేరకు కేసు నమోదు చేసుకున్న పోలీసులు గాలింపు చేపట్టారు. ఈ క్రమంలోనే లొంగిపోయినట్లుగా నటించిన నిందితుడు.. వాళ్ల నుంచి తుపాకీ లాక్కొని పారిపోయేందుకు ప్రయత్నించాడు. చివరికి అతడిపై ఎదురుకాల్పులు జరిపి పోలీసులు అదుపులోకి తీసుకున్నారు. అనంతరం నిందితుడి నుంచి తుపాకీని స్వాధీనం చేసుకుని.. ఆస్పత్రికి తరలించి చికిత్స అందిస్తున్నారు.
ఇదీ జరిగింది
గ్రేటర్ నొయిడాలోని ఓ అపార్ట్‌మెంట్‌లోని బాధితురాలి కుటుంబం.. ఇంటికి అవసరమైన సరకులను ఆర్డర్‌ చేసింది. వాటిని తీసుకొని 23 ఏళ్ల సుమిత్ సింగ్ అనే డెలివరీ బాయ్ బాధితురాలి ఇంటికి వెళ్లాడు. సరకులు డెలివరీ చేసిన నిందితుడు.. ఇంట్లో ఆమె ఒక్కరే ఉన్నారని గమనించాడు. ఇంట్లోకి చొరబడి అత్యాచారం చేయడానికి యత్నించాడు. బాలిక ప్రతిఘటించడం వల్ల అక్కడి నుంచి పరారయ్యాడు. అనంతరం బాధితురాలు పోలీసులకు ఫిర్యాదు చేసింది. ఈ మేరకు కేసు నమోదు చేసిన పోలీసులు.. బృందాలుగా ఏర్పడి నిందితుడి కోసం గాలింపు చర్యలు చేపట్టారు.
మొబైల్‌ సిగ్నల్స్‌ ఆధారంగా నిందితుడు సుమిత్ ఉన్న చోటును గుర్తించి, అక్కడకు వెళ్లారు పోలీసులు. వారిని చూసిన నిందితుడు.. లొంగిపోయినట్లుగా నటించాడు. అంతలోనే ఎస్ఐ భరత్ సింగ్ నుంచి తుపాకీ లాక్కొని పరారయ్యాడు. తర్వాత పోలీసులు అతడిని వెంబడించగా వారిపై కాల్పులు జరిపాడు. దీంతో పోలీసులు అతడి కాళ్లపై ఎదురుకాల్పులు జరిపి అదుపులోకి తీసుకున్నారు. అతడి నుంచి తుపాకీని స్వాధీనం చేసుకుని.. ఆస్పత్రికి తరలించి చికిత్స అందిస్తున్నారు. నిందితుడిపై వివిధ సెక్షన్ల కింద కేసులు నమోదు చేశామని.. ఆస్పత్రి నుంచి విడుదల అయిన తర్వాత కోర్టు ఎదుట హాజరుపరుస్తామని తెలిపారు. అక్రమంగా మద్యం అమ్మకాలు జరుపుతున్నాడన్న కారణంతో గతంలోనూ సుమిత్‌పై కేసు నమోదైందని దర్యాప్తులో తేలింది. అతడి సోదరుడు మనోజ్పై బదల్పుర్ పోలీస్ స్టేషన్లో రౌడీ షీట్ ఉందని పోలీసులు చెప్పారు.
Rajasthan Accident News : ఒకే కుటుంబంలోని ఏడుగురు మృతి.. ఫంక్షన్ నుంచి వస్తుండగా..
