లోయలో పడ్డ కారు- జవాను సహా ఐదుగురు మృతి

జమ్ముకశ్మీర్​లో జరిగిన ఓ రోడ్డు ప్రమాదంలో సీఆర్​పీఎఫ్​ జవాను సహా మొత్తం ఐదుగురు చనిపోయారు. వేగంగా వచ్చిన కారు అదుపుతప్పి లోయలో పడడినట్లు అధికారులు తెలిపారు.

జమ్ముకశ్మీర్​లోని రాంబన్​ జిల్లాలో జరిగిన ఓ రోడ్డు ప్రమాదంలో సీఆర్​పీఎఫ్​ జవాను సహా, ఐదుగురు మరణించారు. మరో వ్యక్తికి తీవ్రంగా గాయాలయ్యాయి. జమ్ము-శ్రీనగర్ జాతీయ రహదారిపై వస్తున్న ఎస్​యూవీ కారు అదుపు తప్పి ఖుని నల్లా వద్ద లోయలో పడింది.

ఉదయం 9.45 గంటల ప్రాంతంలో శ్రీనగర్​ నుంచి జమ్ము వెళ్తుండగా ఈ ప్రమాదం జరిగినట్లు అధికారులు తెలిపారు. మృతులను గారు రామ్, వనీత్ కౌర్, షాగున్ కుమార్, మహ్మద్ రఫీ గుజ్జర్, సంజీవ్ కుమార్​లుగా గుర్తించారు.

గాయపడిన అజిత్ కుమార్​ను స్థానిక ఆసుపత్రికి తరలించారు.

ఇదీ చూడండి: ప్రియుడి బర్త్​ డే పార్టీకి వెళ్లిన అమ్మాయిపై గ్యాంగ్​ రేప్​!