Corona Cases in India : దేశంలో కరోనా వ్యాప్తి మరింత తగ్గింది. శుక్రవారం నుంచి శనివారం ఉదయం 8 గంటల వరకు 5,554 మందికి కరోనా వైరస్ సోకినట్లు నిర్ధరణ అయింది. ఒక్కరోజులో 6,322 మంది కొవిడ్ నుంచి కోలుకున్నారు. రికవరీ రేటు 98.7శాతంగా ఉంది. యాక్టివ్ కేసులు 0.11 శాతంగా కొనసాగుతున్నాయని కేంద్ర ఆరోగ్య శాఖ వెల్లడించింది. ప్రస్తుతం 48,850 క్రియాశీల కేసులు ఉన్నట్లు తెలిపింది.
Vaccination In India :
దేశంలో శుక్రవారం 21,63,811 కోట్ల మందికి కొవిడ్ టీకాలు అందించగా.. ఇప్పటివరకు పంపిణీ చేసిన వ్యాక్సిన్ డోసుల సంఖ్య 214.77 కోట్లకు చేరింది. ఒక్కరోజే 3,76,855 మందికి కరోనా నిర్ధరణ పరీక్షలు చేశారు.
World Coronavirus Cases :
ప్రపంచవ్యాప్తంగా కరోనా కేసులు స్వల్పంగా తగ్గాయి. కొత్తగా 4,89,469 కేసులు వెలుగుచూశాయి. ఒక్కరోజులో 1,667 మరణాలు నమోదయ్యాయి. మొత్తం కేసులు 61,29,83,335 చేరుకున్నాయి. ఇప్పటివరకు వైరస్తో 65,14,456 మంది మరణించారు. శుక్రవారం మరో 7,28,776 మంది కోలుకున్నారు. దీంతో మొత్తం కోలుకున్నవారి సంఖ్య 59,09,90,157కు చేరింది.
- జపాన్లో కొత్తగా 1,12,404 కేసులు వెలుగుచూశాయి. మరో 261 మంది మరణించారు.
- దక్షిణ కొరియాలో 69,389 కొత్త కేసులు నమోదయ్యాయి. వైరస్తో 68 మంది మృతి చెందారు.
- రష్యాలో 52,106 కొత్త కేసులు నమోదయ్యాయి. మహమ్మారి వల్ల 96 మంది ప్రాణాలు కోల్పోయారు.
- అమెరికాలో 50,622 కొవిడ్ కేసులు నమోదుకాగా, 317 మంది మరణించారు.
- తైవాలో 34,260 కొవిడ్ కేసులు వెలుగుచూశాయి. 55 మంది ప్రాణాలు కోల్పోయారు.
ఇవీ చదవండి: తుక్కు సామగ్రిలో గేర్‌ బాక్సులు.. తెరిచి చూస్తే హెరాయిన్.. విలువ రూ.200 కోట్లు!
సరిహద్దులో భారత్ వ్యూహాత్మక అడుగులు.. అన్ని స్థావరాల్లో కనీసం ఒక్కో పెద్ద హెలిప్యాడ్‌!
