గుజరాత్ తీరం వద్ద అరేబియన్ సముద్రంలో ఓ జాలర్ల పడవకు నిప్పంటుకుంది. ఈ ఘటనలో ఏడుగురు జాలర్లను ఇండియన్ కోస్ట్ గార్డ్ దళం రక్షించింది.
గుజరాత్ తీరానికి సుమారు 50మైళ్ల దూరంలో జాలర్లు చేపల వేటకు వెళ్లినప్పుడు ఈ ఘటన జరిగింది. అంతర్జాతీయ జలాల సరిహద్దుల్లో ఉండగా.. ఇంజిన్లో నుంచి ఇంధనం లీక్ అవడం వల్ల తొలుత పడవ మునగడం మొదలుపెట్టింది. తర్వాత పడవకు మంటలు అంటుకున్నాయి.
మంటల్లో పడవ పూర్తిగా దగ్ధమైనట్టు తెలుస్తోంది. జాలర్లను గుజరాత్లోని ఓఖాకు తరలించినట్టు కోస్ట్ గార్డ్ దళం వెల్లడించింది.
ఇదీ చూడండి:- సముద్రంలో పాక్ కాల్పులు- భారతీయ జాలరి మృతి
