Minor raped: రాజస్థాన్ జోధ్పుర్లో స్కూల్ టాయిలెట్లోనే విద్యార్థినిపై అత్యాచారానికి పాల్పడ్డాడు ఓ కొరియోగ్రాఫర్. అయితే ఈ ఘటన నాలుగేళ్ల క్రితం జరిగింది. కల్చరల్ ఫెస్ట్లో భాగంగా విద్యార్థులకు నృత్యం నేర్పించడానికి వచ్చిన కొరియోగ్రాఫర్ సనమ్ గిల్(23) పాఠశాల ఆవరణలోని టాయిలెట్లో విద్యార్థిపై అఘాయిత్యానికి పాల్పడ్డాడు. ఈ ఘటన సమయంలో బాలిక వయసు ఐదేళ్లు ఉంటాయని పోలీసులు తెలిపారు.
ఇటీవల విద్యార్థి తల్లి.. 'గుడ్ టచ్ బ్యాడ్ టచ్' పై అవగాహన కల్పిస్తుండగా.. బాలికకు ఈ ఘటన గుర్తొచ్చి తల్లికి చెప్పింది. షాక్కు గురైన తల్లి బాలికను ఆస్పత్రికి తీసుకెళ్లి.. సోనోగ్రఫీ పరీక్ష చేయించగా నిజం వెలుగులోకి వచ్చింది. దీంతో జోధ్పుర్ పోలీసులను ఆశ్రయించింది. ఈ ఘటనపై కేసు నమోదు చేసుకున్న పోలీసులు.. నిందితుడిని అరెస్ట్ చేశారు.
ఇదీ చూడండి: అందుకు అడ్డొస్తున్నాడని.. కుమారుడిని హతమార్చిన తల్లి
