పుల్వామాలో ఎన్​కౌంటర్​-ఇద్దరు ముష్కరులు హతం

జమ్ముకశ్మీర్ పుల్వామాలో సైనికులు, ఉగ్రవాదులకు మధ్య ఎదురు కాల్పులు జరిగాయి. ఈ ఘటనలో ఇద్దరు ముష్కరులు హతమయ్యారు.

జమ్ముకశ్మీర్​లో ఆదివారం ఎన్​కౌంటర్​ జరిగింది. సైనికుల ఎదురుకాల్పుల్లో ఇద్దరు ముష్కరులు హతమయ్యారు.

పుల్వామా జిల్లా అవంతిపొరాలోని సంబూరా ప్రాంతంలో.. ఉగ్రవాదులు నక్కిఉన్నారనే పక్కా సమాచారంతో నిర్బంధ తనిఖీలు చేపట్టింది సైన్యం. ముందే పసిగట్టిన ఉగ్రవాదులు.. భద్రతా బలగాలపై కాల్పులు జరిపారు. దీటుగా తిప్పికొట్టిన సిబ్బంది ఇద్దరు ఉగ్రవాదులను మట్టుబెట్టింది. వీరు ఏ ముఠాకు చెందినవారో తెలియాల్సి ఉంది.

పరిసర ప్రాంతాల్లో ముష్కరుల కోసం గాలింపు చర్యలు కొనసాగుతున్నాయి.