దేశంలోని అన్ని మసీదులలో ముస్లిం మహిళలకు ప్రవేశం కల్పించాలని కోరుతూ దాఖలైన ప్రజాప్రయోజన వ్యాజ్యంపై విచారణ చేపట్టింది సుప్రీంకోర్టు. ఈ అంశమై అభిప్రాయం తెలపాలని కేంద్ర ప్రభుత్వాన్ని కోరింది.
ప్రధాన న్యాయమూర్తి జస్టిస్ రంజన్ గొగొయి, న్యాయమూర్తులు జస్టిస్ ఎస్ఏ బాబ్డే, జస్టిస్ ఎస్ఏ నజీర్ల ధర్మాసనం కేంద్ర న్యాయ, మైనారిటీ వ్యవహారాల మంత్రిత్వ శాఖకు నోటీసు జారీ చేసింది.
ముస్లిం మహిళలకు ప్రవేశం కల్పించాలని కోరుతూ ప్రభుత్వాన్ని, ముస్లిం సంస్థలకు సూచనలు చేయాలని యాస్మిన్ జుబేర్ అహ్మద్ ఫిర్జాదే అనే వ్యక్తి దాఖలు చేసిన పిల్పై ధర్మాసనం విచారణ చేపట్టింది. మహిళలకు మసీదు ప్రవేశం కల్పించకపోవడం ప్రాథమిక హక్కులను ఉల్లంఘించడమేనంటూ పిటిషనర్ తన వ్యాజ్యంలో పేర్కొన్నారు.
ఇదీ చూడండి: హరియాణాలో ఏం జరుగుతోంది? అధికారం ఎవరిది?
