'వచ్చే ఏడాది నుంచి ఆ శానిటరీ న్యాప్​కిన్ల సంచులు తప్పనిసరి'

పర్యావరణహిత బ్యాగులను రూపొందించాలని శానిటరీ ప్యాడ్ల తయారీదారులకు కేంద్రం స్పష్టం చేసింది. వచ్చే ఏడాది నుంచి బ్యాగుల తయారీ తప్పనిసరి చేయనున్నట్టు తెలిపారు కేంద్రమంత్రి ప్రకాశ్​ జావడేకర్​.

సాధారణంగా నెలసరి సమయాల్లో వినియోగించే న్యాప్​కిన్లను వాడిపారేసిన తర్వాత అవి పర్యావరణానికి ఎంతో హాని చేస్తాయి. దీనికి అడ్డుకట్ట వేసేందుకు పర్యావరణహిత శానిటరీ ప్యాడ్​ల సంచులను సిద్ధం చేయాలని ఆయా సంస్థలకు సూచించింది కేంద్రం. అంతేకాకుండా వచ్చే ఏడాది నుంచి వీటిని తప్పనిసరి చేయనున్నట్లు ప్రకటించారు కేంద్రమంత్రి ప్రకాశ్​ జావడేకర్​.

నేడు మహిళా దినోత్సవం సందర్భంగా పుణెలో ఓ కార్యక్రమానికి హాజరైన మంత్రి ఈ విషయాన్ని వెల్లడించారు.

"పర్యావరణానికి హాని చేయని, త్వరగా భూమిలో కలిసిపోయే బ్యాగులను అందుబాటులోకి తీసుకురావాలని శానిటరీ ప్యాడ్​ల తయారీదారులకు ఇప్పటికే అనేకమార్లు సూచించాం. అయినప్పటికీ వారు ప్లాస్టిక్​ సంచులనే వాడుతున్నారు. ఇప్పటికీ పర్యావరణహిత సంచులను అందుబాటులోకి తీసుకురావడం లేదు. అందుకే కేంద్రం వచ్చే ఏడాది జనవరి నుంచి ఈ పర్యావరణహిత బ్యాగులను తప్పనిసరి చేయనుంది."

--- ప్రకాశ్​ జావడేకర్​, కేంద్ర పర్యావరణశాఖ మంత్రి

'వచ్చే ఏడాది నుంచి ఆ శానిటరీ న్యాప్​కిన్ల సంచులు తప్పనిసరి'

పరిశుభ్రతపైనా మంత్రి మాట్లాడారు. ఇన్నేళ్లుగా మున్సిపల్​ ప్రాంతాల్లో అమల్లో ఉన్న చర్యలను ఇకపై గ్రామాల్లోనూ(3వేల జనాభా) వర్తింపచేయడానికి నిర్ణయించినట్టు స్పష్టం చేశారు.

ఇదీ చదవండి: 'ఆ మహిళలకు మోదీ పాస్​వర్డ్​ చెప్పింది అందుకే...'