కాంగ్రెస్ సీనియర్ నేత కపిల్ సిబల్ ఓ సవాల్ విసిరారు. ఓ వీడియో చూపిస్తూ అందులో గడ్డంతో ఉన్న వ్యక్తి ఎవరో చెబితే కాంగ్రెస్ పార్టీ లక్ష రూపాయల బహుమానం అందజేస్తుందని ప్రకటించారు.
ఓ పరిశోధక పాత్రికేయుడు చేసిన స్ట్రింగ్ ఆపరేషన్ వీడియోను టీఎన్ఎన్ అనే వెబ్సైట్ బయటపెట్టిందని సిబల్ తెలిపారు.
"ఈ ఘటన అహ్మదాబాద్లో జరిగింది. 2016 డిసెంబర్ 31 తర్వాతి విషయమిది. ఓ గడ్డంతో ఉన్న వ్యక్తి కమలం పార్టీ ఆఫీసు నుంచి ఒక బ్యాగుతో వచ్చాడు. అతనితో పరిశోధక పాత్రికేయుడు మాట్లాడుతూ.. 'మేం మీకు 5 కోట్లు ఇస్తున్నాం. బదులుగా మీరు కొత్త నోట్లతో 3 కోట్లే ఇస్తున్నారు. ఎక్కువగా కమిషన్ తీసుకుంటున్నారని ప్రశ్నించాడు. మాకు తక్కువగానే మిగులుతుంది, పై వాళ్లే ఎక్కువగా తీసుకుంటారు' అని గడ్డం వ్యక్తి చెబుతాడు. మీకు కావాలంటే ఎంత డబ్బైనా, ఎక్కడైనా మార్పిడి చేసి ఇస్తామంటాడు. ఏ ఆటంకం లేకుండా ఆ వ్యక్తి పాత నోట్లను మార్చుకున్నాడు. ఈ వ్యవహారంలో దళారులు, బ్యాంకర్లు, రాజకీయ నాయకుల పాత్ర ఉంది. ఈ నోట్ల రద్దు భారత చరిత్రలోనే అతిపెద్ద కుంభకోణం."
-కపిల్ సిబల్, కాంగ్రెస్ సీనియర్ నేత
ఇదీ చూడండి: భారత్ భేరి: ఓటెవరికి... దేశానికా? నగరానికా??
