ఇండియన్ ఇన్ట్నిట్యూట్ ఆఫ్ టెక్నాలజీ పరిశోధన సంస్థ 'స్పైన్ సర్జరీ రోబో' ను (వెన్నెముకకు శస్త్ర చికిత్స చేసే మర మనిషి) అభివృద్ధి చేసింది. ఈ రోబో ద్వారా రోగికి బాధ కలగకుండా, సులభంగా శస్త్ర చికిత్స చేసేందుకు దీనిని తయారుచేశారు ఐఐటీ మద్రాసుకు చెందిన పరిశోధకులు. ఇది ఇండియాలోనే మెుట్టమెుదటి వెన్నెముక రోబోటిక్ వ్యవస్థ.
వెన్నెముకకు శస్త్ర చికిత్స చేయాటానికి సర్జన్లకు ఈ రోబోటిక్ వ్యవస్థ ఎంతగానో ఉపయోగపడుతుంది. కానీ దీనికి సంబంధించిన పరికరాలు చాలా ఖర్చుతో కూడుకున్నవి. ప్రపంచంలో ఈ వ్యవస్థ అందుబాటులో ఉన్న చోట శస్త్ర చికిత్స చేయటానికి 1 మిలియన్ డాలర్లు ఖర్చు అవుతుంది. వెన్నెముక చికిత్సకు అవసరమైన చోట రంధ్రం చేయటానికి వీలు పడటం లేదు. వెన్నెముకకు రంధ్రం చేసే విధంగా ఈ వ్యవస్థను అభివృద్ధి చేస్తున్నారు. విజువలైజేషన్కు, రియల్ టైం ట్రాకింగ్కు ఇది ఎంతగానో ఉపయోగపడుతుందని పరిశోధన బృందం చెబుతోంది.
'సాధారణ శస్త్ర చికిత్స కంటే శస్త్ర చికిత్స సమయం, చికిత్స జరిగిన తర్వాత వచ్చే అంటువ్యాధులు తగ్గించేందుకు ఈ రోబోటిక్ వ్యవస్థ ద్వారా మంచి ఫలితాలను సాధించవచ్చు. దీని ద్వారా రోగి త్వరగా కోలుకునే అవకాశం ఉంది.'
-మోహాన శంకర్ శివ ప్రకాశం ఐఐటీ ప్రొఫెసర్.
ఈ వ్యవస్థ చికిత్స సమయంలో రోగికి రేడియేషన్ తగ్గిస్తూ రక్షణ కల్పిస్తుంది. చికిత్స చేసేటప్పుడు పర్యవేకిస్తూ, తగిన సమయంలో సూచనలు ఇవ్వటానకి రోబోకు అవసరమైన ట్రాకర్ అమర్చారు. 3డీ వ్యవస్థ అమరికను ఏర్పాటు చేశారు. శస్త్ర చికిత్స చేయటానికి అవసరమైన అన్ని పరికరాలను అమర్చటానికి గ్రిపర్ను ఉంచారు.
ఉచ్ఛతార్ ఆవిష్కార్ యోజన క్రింద అభివృద్ధి చేసిన ఈ రోబోటిక్ వ్యవస్థను ఇటివలే దిల్లీలో ప్రదర్శించారు.
