31న ఖాళీ కడుపులతో రైల్వే స్టేషన్ మాస్టర్ల విధులు

దేశవ్యాప్తంగా దాదాపు 35 వేల మంది స్టేషన్ మాస్టర్లు అక్టోబర్ 31న వినూత్న నిరసన తెలపనున్నారు. ఆ రోజు రాత్రివేళ.. ఖాళీ కడుపుతో విధులు నిర్వహించనున్నారు. రాత్రి విధుల భత్యంపై సీలింగు విధిస్తున్నట్టు వెలువడిన ప్రకటనకు నిరసనగా ఈ నిర్ణయం తీసుకున్నారు.

దేశవ్యాప్తంగా దాదాపు 35 వేల మంది స్టేషన్ మాస్టర్లు శనివారం(అక్టోబర్ 31) రాత్రి ఖాళీ కడుపులతో విధులు నిర్వహించనున్నట్లు స్టేషన్ మాస్టర్స్ యూనియన్ గురువారం తెలిపింది. ఇప్పటిదాకా వీరికి ఇస్తున్న రాత్రి విధుల భత్యంపై సీలింగు విధిస్తున్నట్టు వెలువడిన ప్రకటనకు నిరసనగా ఈ నిర్ణయం తీసుకున్నట్లు ఆలిండియా స్టేషన్మస్టర్ల యూనియన్( ఏఐఎస్ఎంయూ) వెల్లడించింది.

అక్టోబరు 1 నుంచి ఈ ఆందోళన కొనసాగిస్తున్నట్టు తెలిపారు. మూలవేతనం రూ. 48,600 దాటిన అధికారులకు రాత్రి విధుల భత్యం చెల్లించబోమన్న ఉత్తుర్వులను ఉపసంహరించుకోవాలని కోరారు.

ఇదీ చూడండి:రైల్వే టాయిలెట్ల రంగుపై ఆ పార్టీ గరం!