దిల్లీలో పార్లమెంటు సభ్యుల కోసం నిర్మించిన బహుళ అంతస్తుల ఫ్లాట్లను ప్రధాని నరేంద్ర మోదీ సోమవారం ప్రారంభించనున్నారు. ఉదయం 11గంటలకు వర్చువల్గా జరిగే ఈ కార్యక్రమంలో లోక్సభ స్పీకర్ ఓం బిర్లా కూడా పాల్గొననున్నారు.
8 భవనాల స్థానంలో 76 ఫ్లాట్లు..
దిల్లీలోని డాక్టర్ బీడీ మార్గ్లో 80 ఏళ్లు దాటిన 8 భవనాల స్థానంలో.. ఎంపీల కోసం కొత్తగా 76 ఫ్లాట్లను నిర్మించారు. వీటి నిర్మాణం కోసం కేటాయించిన నిధులకన్నా.. 14 శాతం తక్కువ ఖర్చుతో నిర్మాణాలు పూర్తయ్యాయి. కరోనా వంటి సంక్షోభ పరిస్థితుల్లోనూ జాప్యం లేకుండా వీటి నిర్మాణం పూర్తవ్వడం విశేషం.
ఫ్లాట్ల ప్రత్యేకత
ఈ భవనాల నిర్మాణంలో పర్యావరణహితమైన పద్ధతులు పాటించారు. ఫ్లై యాష్తో చేసిన ఇటుకలను నిర్మాణంలో వాడారు. సమర్థంగా విద్యుత్ వినియోగం కోసం డబుల్ గ్లేజ్డ్ కిటికీలు, ఎల్ఈడీ లైట్లను ఉపయోగించారు. మనుషులు ఉన్నప్పుడు మాత్రమే లైట్లు వెలిగేలా సెన్సర్లు, తక్కువ విద్యుత్ను వాడుకునేలా వీఆర్వీ వ్యవస్థతో కూడిన ఏసీలు బిగించారు. వర్షపు నీటి సేకరణకు ప్రత్యేక వ్యవస్థ సహా.. పైకప్పుపై సోలార్ వంటివి ఏర్పాటు చేశారు.
ఇదీ చదవండి: టీకా అత్యవసర అనుమతులపై కేంద్రం దృష్టి
