ఆజాద్​ గురించి మాట్లాడుతూ మోదీ కన్నీటిపర్యంతం

గులాం నబీ ఆజాద్​ సహా మరో నలుగురు రాజ్యసభ ఎంపీలు పదవీ విరమణ పొందనున్న నేపథ్యంలో వారికి వీడ్కోలు పలికారు ప్రధానమంత్రి నరేంద్ర మోదీ. వారి సేవకు దేశం కృతజ్ఞతలు తెలుపుతుందన్నారు. ఆజాద్​పై ప్రశంసలు కురిపించారు.

రాజ్యసభ ఎంపీలు గులాం నబీ ఆజాద్​, మిర్​ మొహమ్మద్​ ఫయాజ్​, షాంసెర్​ సింగ్​, నజిర్​ అహ్మెద్​ లావయ్​లు పదవీ విరమణ పొందనున్న నేపథ్యంలో వారికి వీడ్కోలు పలికారు ప్రధానమంత్రి నరేంద్ర మోదీ. ఈ సందర్భంగా ప్రతిపక్ష నేత గులాం నబీ ఆజాద్​పై ప్రశంసలు కురిపించారు మోదీ. మాట్లాడుతోన్న సమయంలో మోదీ భావోద్వేగానికి లోనయ్యారు.

" ప్రజల కోసం వారు చేసిన సేవకు దేశం కృతజ్ఞతలు తెలుపుతుంది. గులాం నబీ ఆజాద్ (రాజ్యసభలో ప్రతిపక్ష నేత)​ స్థానాన్ని భర్తీ చేసే వ్యక్తి ఆయన పనితీరును అందుకోవటం చాలా కష్టం. ఆజాద్​.. తన పార్టీ కోసమే కాకుండా దేశం, పార్లమెంట్​ కోసం పని చేశారు."

- నరేంద్ర మోదీ, ప్రధానమంత్రి

ఇదీ చూడండి: 'పొత్తు' పొడుపు- అసోం రాజకీయాల్లో కొత్త మలుపు