జమ్ముకశ్మీర్ బాలాకోట్ సెక్టార్లో ఆదివారం రాత్రి ఓ పాకిస్థాన్ చొరబాటుదారుడిని అరెస్టు చేశారు ఆర్మీ అధికారులు. అతడిని ఆక్రమిత కశ్మీర్ వాసి ఫర్యాద్ అలీగా గుర్తించారు. నియంత్రణ రేఖ వెంట దేశంలోకి వస్తుండగా గుర్తించిన అధికారులు ఫర్యాద్ను అదుపులోకి తీసుకుని ప్రశ్నిస్తున్నారు.
చొరబాటుదారుడు మానసిక వ్యాధితో బాధపడుతున్నట్లుగా ఉందని.. అనుకోకుండా సరిహద్దు దాటినట్లు అనుమానం వ్యక్తం చేస్తున్నట్లు తెలిపారు. విచారణ పూర్తి అయిన అనంతరం ఈ విషయంలో స్పష్టత వచ్చే అవకాశం ఉన్నట్లు సమాచారం.
ఇదీ చూడండి: ఉగ్ర సంస్థతో సంబంధాలున్న దంపతుల అరెస్ట్!
