కులమతాలకు అతీతంగా పౌరులందరూ కలిసిమెలసి జీవించే లౌకిక రాజ్యం.. భారతదేశమని పునరుద్ఘాటించారు రక్షణమంత్రి రాజ్నాథ్ సింగ్. అంతేగానీ పాకిస్థాన్ లాగా ఎప్పటికీ మతాధికార పాలిత రాజ్యంగా మారదన్నారు. అమెరికాను కూడా మతాధికారిత రాజ్యపాలనగా అభివర్ణించారు రాజ్నాథ్. దిల్లీలో జరిగిన ఎన్సీసీ రిపబ్లిక్ డే క్యాంప్లో పాల్గొన్న ఆయన.. భారతదేశం ఒక మతానికి చెందిన దేశంగా ఎప్పుడూ ప్రకటించుకోలేదని గుర్తుచేశారు.
పొరుగు దేశమైన పాకిస్థాన్.. తమకు ప్రత్యేక మతం ఉన్నట్లు ప్రకటించుకుందని, అంతేగానీ హిందూ, సిక్కు, బౌద్ధలు ఇలా ఏదో ఒక మతాధికార దేశంగా తామెప్పుడూ చెప్పలేదని స్పష్టం చేశారు. మన సరిహద్దుల్లో నివసించే వారినే కాకుండా.. ప్రపంచ వ్యాప్తంగా ఉన్న వారందరినీ కులుపుకునే స్వభావం భారతీయులదని చెప్పారు. 'వసుదైక కుటుంబం' అనే సందేశం భారత్ నుంచే ప్రపంచ దేశాలకు విస్తరించినట్లు తెలిపారు రాజ్నాథ్.
ఇదీ చూడండి : సీఏఏపై స్టేకు సుప్రీం నో- రాజ్యాంగ ధర్మాసనానికి కేసు బదిలీ
