వాట్సాప్ వంటి సామాజిక మాధ్యమాలు న్యాయశాఖకు సహకరించడం లేదని ప్రభుత్వ అధికారులు ఓ రాజ్యసభ ప్యానెల్కు వెల్లడించారు. అశ్లీల దృశ్యాలు, పిల్లల మీద వాటి ప్రభావంపై దర్యాప్తు చేపడుతున్న ఈ ప్యానెల్ ముందుకు హాజరైన కేంద్ర ఎలక్ట్రానిక్స్, ఐటీ మంత్రిత్వ శాఖ అధికారులు.. గోప్యత పేరుతో సామాజిక మాధ్యమాలు న్యాయపరమైన అభ్యర్థనలను కుడా లెక్కచేయడం లేదని పేర్కొన్నారు.
'వాట్సాప్, సిగ్నల్ వంటి మాధ్యమాలు ఎండ్-టు-ఎండ్ ఎన్క్రిప్షన్ పేరిట న్యాయ సంస్థలతో సహకరించడం లేదు. వినియోగదారుల గోప్యతకు విఘాతం కలుగుతుందని ఆందోళన వ్యక్తం చేస్తున్నాయి. కనీసం న్యాయపరమైన అభ్యర్థనను కూడా గౌరవించడం లేదు.'-కేంద్ర ఐటీ శాఖ.
అశ్లీలత, పిల్లలపై వాటి ప్రభావం సహా సామాజిక మాధ్యమాల్లో పోర్నోగ్రఫిని అరికట్టడంపై గత నెలలో రాజ్యసభ ఛైర్మన్ వెంకయ్య నాయుడు ఈ ప్యానెల్ను ఏర్పాటు చేశారు. కాంగ్రెస్ నేత జైరాం నేతృత్వంలో 10 పార్టీలకు చెందిన 14 మంది సభ్యులతో ప్యానెల్ దర్యాప్తు చేపట్టింది.
ఈ అంశంపై సామాజిక మాధ్యమాల నుంచి విపరీతమైన న్యాయపరమైన చిక్కులు ఏర్పడే అవకాశం ఉంటుందని ప్యానెల్కు అధికారులు వివరించారు. పలు దేశాల్లో ఉన్న సంస్థల సర్వర్లు ఆయా దేశాల నిబంధనలకు అనుగుణంగా ఉంటాయని... అందువల్ల దర్యాప్తుకు విఘాతం కలుగుతుందని అధికారులు తెలిపారు.
చిన్నారుల లైంగిక వేధింపులకు సంబంధించిన అంశాలను వ్యాప్తి చేస్తున్న డార్క్వెబ్ లాంటి వ్యవస్థలపై గూఢచర్యం చేయడానికి కూడా లా ఎన్ఫోర్స్మెట్ సంస్థలకు స్పష్టమైన అధికారాలు లేవని ప్యానెల్కు వివరించారు.
ఇదీ చదవండి: 'యువత భవితను మోదీ-షా నాశనం చేశారు'
