కరోనా వేగంగా విస్తరిస్తున్న నేపథ్యంలో బంగాల్, మిజోరం రాష్ట్రాలు లాక్డౌన్ పొడిగించాలని నిర్ణయం తీసుకున్నాయి. ఈ మేరకు మిజోరం ముఖ్యమంత్రి జోరమ్‌తంగా సంప్రదింపుల కమిటీతో చర్చలు జరిపి... రెండు వారాల పాటు రాష్ట్రవ్యాప్తంగా ఆంక్షలు అమలు చేస్తున్నట్లు ప్రకటించారు.
మిజోరంలో ఇప్పటి వరకు 34 మంది వైరస్ బారిన పడ్డారు.
జూన్ 30 వరకు..
బంగాల్లోనూ కరోనా ఉగ్రరూపం దాల్చుతున్న నేపథ్యంలో జూన్ 30 వరకు లాక్డౌన్ పొడిగిస్తున్నట్లు బంగాల్ ముఖ్యమంత్రి మమతా బెనర్జీ ప్రకటించారు.
బంగాల్లో ఇప్పటి వరకు 8,187 మంది వైరస్ బారిన పడగా... 396 మంది మృతి చెందారు.
సడలింపులతో కూడిన లాక్డౌన్ 5.0ను జూన్ 30 వరకు పొడిగిస్తూ కేంద్ర ప్రభుత్వం ప్రకటించింది. పూర్తి స్థాయి లాక్డౌన్ను మాత్రం కేవలం కంటైన్మెంట్ జోన్లకు పరిమితం చేసింది. ఈ నేపధ్యంలో ఈ నిర్ణయం తీసుకున్నాయి ఆయా రాష్ట్రాలు.
