ఈ మేరకు తమ లోక్సభ సభ్యులకు విప్ జారీ చేసింది భారతీయ జనతా పార్టీ. తప్పనిసరిగా సభకు హాజరుకావాలని ఆదేశించింది.
ప్రధాని నరేంద్ర మోదీ రెండోసారి అధికారంలోకి వచ్చాక పార్లమెంటు తొలి సెషన్లో లోక్సభ ముందుకు తీసుకువచ్చిన మొదటి బిల్లు ఇది. దిగువసభలో ఈ బిల్లును పలు విపక్ష పార్టీలు వ్యతిరేకించాయి. కాంగ్రెస్, తృణమూల్ కాంగ్రెస్, డీఎంకే వంటి పార్టీలు బిల్లును పార్లమెంటరీ కమిటీ పరిశీలనకు పంపాలని డిమాండ్ చేశాయి. ఇందుకు సమాధానంగా లింగసమానత్వం, సామాజిక న్యాయం జరిగేలా బిల్లును రూపొందించినట్లు ప్రభుత్వం పేర్కొంది.
భాజపా నేతృత్వంలోని ఎన్డీఏ ప్రభుత్వానికి లోక్సభలో పూర్తి స్థాయి మెజారిటీ ఉంది. దిగువ సభలో బిల్లుకు సునాయాసంగా ఆమోదం లభించే అవకాశం ఉంది. కానీ ఎగువ సభలో సరిపడ సంఖ్యా బలం లేదు. బిల్లుపై విపక్షాలు వ్యతిరేకిస్తున్న నేపథ్యంలో రాజ్యసభలో ఆమోదం లభించటం అంత సులువు కాదన్నది విశ్లేషకుల మాట.
ఇదీ చూడండి: మధ్యప్రదేశ్లో కాంగ్రెస్ ఆపరేషన్ కమల్'నాథ్'!
