కరోనా వైరస్పై పోరులో భాగంగా.. ఎంపీల వేతనాల్లో ఏడాది పాటు 30 శాతం కోత విధించేందుకు రూపొందించిన బిల్లును లోక్సభ ఆమోదించింది. 'సాలరీ, అలవెన్స్ అండ్ పెన్షన్ ఆఫ్ మెంబర్స్ ఆఫ్ పార్లమెంట్ ఆర్డినెన్స్,2020'ని ఈ తాజా బిల్లు భర్తీ చేయనుంది.
కరోనా వల్ల కలుగుతున్న నష్టాన్ని పూడ్చే ప్రక్రియలో భాగంగా.. ఎంపీల జీతాల్లో కోత విధించాలని ఈ ఏడాది ఏప్రిల్లో కేంద్రం నిర్ణయించింది. అదే నెల 6న ఈ ప్రదిపాదనకు కేంద్ర కేబినెట్ ఆమోదముద్ర వేసింది. ఆ తర్వాతి రోజే ఆర్డినెన్స్ జారీ అయింది.
వేతనాలు ఇలా...
లోక్సభలో 543, రాజ్యసభలో 245 మంది సభ్యులున్నారు. సాధారణంగా ఎంపీలకు వేతనాల రూపంలో నెలకు రూ. లక్ష అందాల్సి ఉంటుంది. ఆర్డినెన్స్ అమల్లోకి వచ్చిన నేపథ్యంలో ఏప్రిల్ నుంచి రూ. 70వేలు మాత్రమే పొందుతున్నారు.
ఇవీ చూడండి:-
