కర్ణాటక కాంగ్రెస్-జేడీఎస్ కూటమి ప్రభుత్వం సంక్షోభం నుంచి కోలుకునే అవకాశాలు మరింత సన్నగిల్లాయి. బుధవారం మరో ఇద్దరు కాంగ్రెస్ ఎమ్మెల్యేలు రాజీనామా చేశారు. రాజీనామా చేసిన ఎమ్మెల్యేల సంఖ్య 16కు చేరింది. వీరిలో 13 మంది కాంగ్రెస్, ముగ్గురు జేడీఎస్ ఎమ్మెల్యేలు ఉన్నారు.
కర్ణాటక గృహనిర్మాణ శాఖ మంత్రి ఎంటీబీ నాగరాజ్, ఎమ్మెల్యే డా.కె.సుధాకర్ రాజీనామా సమర్పించినట్లు స్పీకర్ రమేశ్ కుమార్ ధ్రువీకరించారు.
రాజకీయాలతో విసిగిపోయి పదవి నుంచి తప్పుకుంటున్నట్లు రాజీనామా అనంతరం నాగరాజ్ తెలిపారు.
రాజీనామా చేసిన ఇద్దరు ఎమ్మెల్యేలు గవర్నర్ను కలిసేందుకు బెంగుళూర్లోని రాజ్భవన్ చేరుకున్నారు.
స్పీకర్ రాజీనామాలు ఆమోదిస్తే కాంగ్రెస్-జేడీఎస్ బలం 101కే పరిమితం కానుంది.
కర్ణాటక అసెంబ్లీలో మొత్తం శాసనసభ్యుల సంఖ్య 224. రాజీనామాలను సభాపతి ఆమోదిస్తే ఎమ్మెల్యేల సంఖ్య 208కి తగ్గుతుంది. అధికారంలో కొనసాగాలంటే కనీసం 105 మంది సభ్యుల మద్దతు అవసరం.
