తీరప్రాంత భద్రతను మరింత బలోపేతం చేసేందుకు 6 అణు జలాంతర్గాములతో సహా 24 జలాంతర్గాములను నిర్మించాలని భారత నావికా దళం ప్రణాళికలు రూపొందిస్తోంది. వీటిలో 18 సంప్రదాయ సబ్ మెరైన్లను నిర్మించేందుకు సన్నద్ధమవుతోంది. ప్రైవేటు రంగ పరిశ్రమల భాగస్వామ్యంతో స్వదేశంలోనే జలాంతర్గాములను సిద్ధం చేస్తోంది నేవీ.
ప్రస్తుతం భారత్ వద్ద 15 సంప్రదాయ జలాంతర్గాములు ఉన్నాయి. రష్యా నుంచి లీజుకు తీసుకున్న ఐఎన్ఎస్ చక్రా సహా 2 అణు జలాంతర్గాములూ ఉన్నట్లు.. ఈ నెలలో ఓ నివేదికలో తెలిపింది నేవీ.
సంప్రదాయ జలంతర్గాముల్లో ఎక్కవ శాతం 25 ఏళ్లు పైబడినవని, మరో 13 మెరైన్లు 17 నంచి 32 సంవత్సరాల నాటివని నేవీ తెలిపింది. అంతే కాకుండా 'ప్రాజెక్ట్ 75 ఇండియా' లో భాగంగా మరో 6 కొత్త జలాంతర్గాములను నిర్మించాలని భావిస్తోంది నేవీ.
