కేంద్ర మంత్రులుగా గురువారం ప్రమాణస్వీకారం చేసిన 56 మంది మంత్రులలో 51 మంది (91 శాతం) కోటీశ్వరులేనని అసోసియేషన్ ఫర్ డెమోక్రాటిక్ రీఫామ్స్ సంస్థ తెలిపింది.
సగటున ఒక మంత్రికి రూ. 14.72 కోట్ల ఆస్తులున్నట్లు తన నివేదికలో వెల్లడించింది ఏడీఆర్.
- హోం మంత్రి అమిత్ షా, రైల్వే మంత్రి పీయూష్ గోయల్, హర్సిమ్రత్ కౌర్ బాదల్ సహా నలుగురు మంత్రుల ఆస్తులు రూ. 40 కోట్లకు పైనే.
- కైలాశ్ చౌదరి, రమేశ్వర్ తేలి సహా ఐదుగురు మంత్రుల ఆస్తి రూ. కోటికి తక్కువే.
- ఒడిశా బాలాసోర్ ఎంపీ ప్రతాప్ చంద్ర సారంగి ఆస్తి.. రూ. 13 లక్షలు మాత్రమే.
ఎన్నికల్లో పోటీ సందర్భంగా.. మంత్రులు ఈసీకి సమర్పించిన ప్రమాణపత్రాలను పరిశీలించిన ఏడీఆర్ ఈ వివరాలు వెల్లడించింది.
'47 మంది మంత్రులు తాము పట్టభద్రులమని.. 8 మంది 10-12 తరగతుల వరకే చదువుకున్నట్లు' అఫిడవిట్లో వెల్లడించారని సంస్థ స్పష్టం చేసింది. ఒక కేంద్ర మంత్రి డిప్లొమాను విద్యార్హతగా పేర్కొన్నట్లు తెలిపింది.
కేంద్ర మంత్రులు లోక్ జన్శక్తి పార్టీ అధ్యక్షుడు రాం విలాస్ పాసవాన్, జై శంకర్లు పార్లమెంట్ సభ్యులు కానందున వారి వివరాలు తెలియరాలేదు.
16 మందిపై తీవ్ర నేరారోపణలు...
56 మంది మంత్రుల్లో 22 మందిపై (39 శాతం) క్రిమినల్ కేసులున్నాయి. గత లోక్సభతో పోలిస్తే ఇది 8 శాతం అధికం.
16 మందిపై తీవ్ర నేరారోపణలు నమోదయ్యాయి.
వీరిపై హత్యాయత్నం, మతవిద్వేషాల్ని రెచ్చగొట్టడం, ఎన్నికల నిబంధనల ఉల్లంఘన వంటి కేసులున్నాయి.
ఇదీ చూడండి:
