చెన్నైలోని ఓ ప్రముఖ బులియన్ ట్రేడింగ్ సంస్థ ప్రాంగణాల్లో ఆదాయపు పన్ను శాఖ సోదాలు నిర్వహించింది. సుమారు రూ.500 కోట్లకుపైగా లెక్కించని ఆదాయాన్ని గుర్తించినట్లు కేంద్ర ప్రత్యక్ష పన్నుల బోర్డు(సీబీడీటీ) గురువారం తెలిపింది.
చెన్నై, ముంబయి, కోల్కతా, కోయంబత్తూర్, సేలం, తిరుచ్చి, మధురై, తిరునెల్వెలీలోని సంస్థ ప్రాంగణాల్లో తనిఖీలు నిర్వహించింది ఆదాయ పన్ను శాఖ.
" ఇప్పటి వరకు నిర్వహించిన తనిఖీల్లో రూ.500 కోట్లకుపైగా లెక్కించని ఆదాయాన్ని గుర్తించాం. అందులో రూ.150 కోట్ల వరకు ఆ సంస్థే స్వచ్ఛందంగా వెల్లడించింది. డీలర్ గ్రూప్ వ్యాపారేతర పెట్టుబడులు సహా, లాభాలను తగ్గించేందుకు వసతుల పేరిట బిల్లులు రూపొందించటంపైనా దర్యాప్తు కొనసాగుతోంది."
