ప్లాస్టిక్ పరిశ్రమలో భారీ అగ్ని ప్రమాదం

దిల్లీలోని ఓ ప్లాస్టిక్ పరిశ్రమలో భారీ అగ్ని ప్రమాదం సంభవించింది. 15 అగ్నిమాపక యంత్రాలు ​సహాయక చర్యలు చేపడుతున్నాయి. ఈ ఘటనలో ఎవరూ గాయపడలేదని అధికారులు తెలిపారు.

దిల్లీలో భారీ అగ్నిప్రమాదం సంభవించింది. జహంగిర్​పురీ జీటీ కర్నాల్​ రోడ్​ ప్రాంతంలో ఉన్న ప్లాస్టిక్ పరిశ్రమలో మంటలు చెలరేగినట్లు అధికారులు తెలిపారు. మధ్యాహ్నం 12:10 గంటల సమయంలో ఈ ప్రమాదం జరిగినట్లు పేర్కొన్నారు.

సమాచారం అందుకున్న వెంటనే అగ్నిమాపక శాఖ అప్రమత్తమైంది. ఘటనా స్థలికి చేరుకున్న 15 అగ్నిమాపక యంత్రాలు.. మంటలార్పుతున్నాయి. అయితే ఈ ఘటనలో ఇంతవరకూ ఎవరూ గాయపడలేదని అధికారులు స్పష్టం చేశారు.

ఇదీ చదవండి: మహారాష్ట్రలో పడవ బోల్తా-ప్రయాణికులు సురక్షితం