ఛత్తీస్గఢ్ ధంతరి జిల్లాలోని సాల్హేభాట్ ప్రాంతంలో నక్సలైట్లు- భద్రతా బలగాల మధ్య ఎదురుకాల్పులు జరిగాయి. ఈ ఘటనలో సీఆర్పీఎఫ్ సిబ్బంది ఒకరు మృతిచెందారు. మరొక జవాను గాయపడ్డారు.
కాల్పులు... పరారీ...
నక్సల్స్ ఏరివేతకు ఈ నెల 3న 50మంది సీఆర్పీఎఫ్ జవాన్లు, 10మంది జిల్లా పోలీసులు ఖల్లారీ, బొరాయీ పోలీస్ స్టేషన్ల పరిధిలో కూంబింగ్ చేపట్టారు.
శుక్రవారం ఉదయం ఛమేదా గ్రామ సమీపంలో జవాన్లపై నక్సలైట్లు కాల్పులు జరిపారు. ఈ ఘటన ఎదురుకాల్పులకు దారితీసింది. జవాన్లపై కాల్పులు జరిపిన మావోయిస్టులు ఘటనాస్థలం నుంచి తప్పించుకున్నారు.
ఘటనాస్థలానికి చేరుకున్న అదనపు బలగాలు హెడ్ కానిస్టేబుల్ హరీశ్చంద్ మృతదేహాంతోపాటు గాయపడ్డ మరో జవాన్ సుధీర్కుమార్ను ఆసుపత్రికి తరలించాయి.
కాన్ఖేర్ జిల్లాలో గురువారమే నలుగురు బీఎస్ఎఫ్ జవాన్లను పొట్టనబెట్టుకున్న నక్సల్స్ మరో ఇద్దరు సిబ్బందిని గాయపరిచారు.
