పాట పాడితే డాలర్లు, పౌండ్ల వర్షం కురిసింది

లండన్​లో నివసిస్తోన్న గుజరాతీలు తమకు నచ్చిన జానపద పాటలకు ఆనందంగా చిందులేశారు. ఎంతో మధురంగా గానం చేసినందుకు గాయకులపై డాలర్లు, పౌండ్ల వర్షం కురిపించారు.

గుజరాత్​ జానపద గాయకుడు కీర్తి ధన్​ గఢ్వీపై డాలర్లు, పౌండ్ల వర్షం కురిపించారు లండన్​లో నివసిస్తోన్న గుజరాతీలు. అందరూ కలిసి సరదాగా లండన్​లో ఏర్పాటు చేసుకున్న జానపద పాటల కార్యక్రమంలో ఈ దృశ్యం కనిపించింది.

కథియావాడి జానపద పాటలతో పాటు సూఫీ, హిందీ పాటలను గానం చేస్తూ శ్రోతలను ఉర్రూతలూగించారు గాయకులు. ప్రముఖ గుజరాతీ గాయకులు మాయాభాయ్​ అహిర్​, గీతా రబారీలు ఈ కార్యక్రమానికి హాజరయ్యారు.

మనసుకు దగ్గరైన జానపద పాటలకు పరవశిస్తూ మైమరచిపోయారు కొంత మంది యువకులు. ఆనందంలో జేబులోని డాలర్లు, పౌండ్ల నోట్లను గాయకుడిపై విసురుతూ నృత్యం చేశారు.
సాధారణంగా ఇలాంటి సంగీత విభావరులను గుజరాత్​లోని సౌరాష్ట్ర ప్రాంతంలో స్వచ్ఛంద సేవా కార్యక్రమాలకు నిధుల సేకరణ కోసం నిర్వహిస్తుంటారు.

ఇదీ చూడండి : సైనికులను క్రూరంగా కొడుతుంటే వేడుక చూశారు