దిల్లీ ముఖ్యమంత్రి అరవింద్ కేజ్రీవాల్ను పోలీసులు గృహ నిర్బంధం చేసినట్టు ఆప్ ఆరోపించింది. సోమవారం సింఘు సరిహద్దు వద్ద రైతులను కలిసిన అనంతరం పోలీసులు ఈ చర్యలు చేపట్టారని పేర్కొంది.
"కేంద్ర హోంశాఖ ఆదేశాలతో దిల్లీ పోలీసులు.. సీఎం కేజ్రీవాల్ను గృహ నిర్బంధంలో పెట్టారు. సింఘు సరిహద్దు వద్ద అన్నదాతలను కలిసిన అనంతరం కేజ్రీవాల్పై ఈ చర్యలు తీసుకున్నారు. నివాసాన్ని వీడేందుకు, లోపలికి వెళ్లేందుకు ఎవరినీ అనుమతించడం లేదు. మా ఎమ్మెల్యేలను కొట్టారు. ఆయన నివాసం వద్ద భారీగా బారికేడ్లు ఏర్పాటు చేశారు. పని మనిషిని కూడా లోపలికి వెళ్లనివ్వడం లేదు. సీఎం నివాసానికి మేము తరలివెళ్లి ఆయన విడుదలకు డిమాండ్ చేస్తాం."
--- సౌరభ్ భరద్వాజ్, ఆప్ ప్రతినిధి.
అయితే ఆప్ ఆరోపణలను దిల్లీ పోలీసులు ఖండించారు. అవి నిజం కాదని తేల్చిచెప్పారు. ముఖ్యమంత్రి బయటకు వచ్చి, ఎప్పుడైనా, ఎక్కడికైనా వెళ్లొచ్చని స్పష్టం చేశారు. కేవలం ముందు జాగ్రత్త చర్యల్లో భాగంగానే కేజ్రీవాల్ ఇంటివద్ద బలగాలను మోహరించినట్టు వివరించారు.
ఇవీ చూడండి:-
