దేశంలో కరోనా కేసులు అధిక సంఖ్యలో నమోదవుతున్నప్పటికీ... మహమ్మారి నుంచి కోలుకుంటున్నవారి సంఖ్య పెరుగుతోంది. తాజాగా కరోనాను జయించిన 62,077 మందితో కలిపి మొత్తం 70,78,123 వైరస్ నుంచి కోలుకున్నారని కేంద్ర ఆరోగ్య మంత్రిత్వశాఖ వెల్లడించింది. ఫలితంగా రికవరీ రేటు 90 శాతానికి చేరిందని తెలిపింది.
యాక్టివ్ కేసుల్లో తగ్గుదల
యాక్టివ్ కేసుల సంఖ్యలో తగ్గుదల కనిపిస్తోంది. వరుసగా మూడో రోజు ఏడు లక్షల కంటే తక్కువ యాక్టివ్ కేసులు ఉన్నాయని ఆరోగ్య శాఖ తెలిపింది. దీంతో కేసు లోడ్ 8.50 శాతమే ఉన్నట్లు వెల్లడించింది.
ప్రస్తుతం 6 లక్షల 68 వేల మందికి పైగా కొవిడ్తో బాధపడుతున్నారు.
ఆరోగ్య శాఖ ప్రకారం...
- 10 రాష్ట్రాల్లోనే ఎక్కువ కొవిడ్ కేసులు నమోదవుతున్నాయి. అత్యధికంగా కేరళలో కరోనా కేసులు వెలుగుచూడగా.. మహారాష్ట్ర తర్వాత స్థానంలో ఉంది.
- గడిచిన వారం రోజులుగా రోజువారి కరోనా మరణాలు వెయ్యి లోపే నమోదవుతున్నాయి. 10 రాష్ట్రాల్లోనే 80 శాతం కరోనా మరణాలు సంభవిస్తున్నాయి. అత్యధికంగా మహారాష్ట్రలో కొవిడ్ మృతులు వెలుగుచూస్తున్నాయి.
- కొత్తగా వైరస్ నుంచి కోలుకుంటున్నవారిలో మహారాష్ట్ర, కర్ణాటక, కేరళ, తమిళనాడు, బంగాల్, దిల్లీ, ఆంధ్రప్రదేశ్, అసోం, ఉత్తర్ప్రేదేశ్, ఛత్తీస్గఢ్ రాష్ట్రాల్లోనే ఉన్నారు.
- దేశంలో కరోనా టెస్టింగ్ లేబొరేటరీల సంఖ్య రెండు వేలకు పైగా పెంపు.
ఇదీ చూడండి: 'పాక్, చైనాతో యుద్ధానికి ముహూర్తం ఫిక్స్'
