'వారికి చప్పట్లు కాదు.. రక్షణ కావాలి'

కరోనా​ను నియంత్రించడానికి కేంద్రం తీసుకుంటున్న చర్యలపై కాంగ్రెస్ అసంతృప్తి వ్యక్తం చేసింది. ప్రస్తుతం దేశంలో వైద్యులకు రక్షణ పరికరాల కొరత ఉందని పేర్కొంది. వైద్య సిబ్బందికి పరికరాలు అందించే విషయంలో ప్రభుత్వం అన్యాయంగా వ్యవహరించిందని ఆరోపించింది.

కరోనా వైరస్​ను నియంత్రించడానికి కేంద్రం తీసుకుంటున్న చర్యలపై అసహనం వ్యక్తం చేసింది కాంగ్రెస్​. ప్రభుత్వ తీరును ఆ పార్టీ నేత రాహుల్ గాంధీ తప్పుబట్టారు. కరోనా ముప్పును తీవ్రంగా పరిగణించి, మరింత ఉత్తమంగా సిద్ధం కావాల్సి ఉండేదని అభిప్రాయపడ్డారు. మాస్కులు అందించాలని ట్విట్టర్​ ద్వారా ప్రధానిని అభ్యర్థించిన ఓ వైద్యుడి ట్వీట్​కు బదులుగా స్పందించారు రాహుల్.

• I am feeling sad, because this was completely avoidable. We had time to prepare. We should have taken this threat much more seriously and have been much better prepared. #CoronavirusPandemic https://t.co/dpRTCg8No9

  — Rahul Gandhi (@RahulGandhi) March 24, 2020 " class="align-text-top noRightClick twitterSection" data="

  I am feeling sad, because this was completely avoidable. We had time to prepare. We should have taken this threat much more seriously and have been much better prepared. #CoronavirusPandemic https://t.co/dpRTCg8No9

  — Rahul Gandhi (@RahulGandhi) March 24, 2020

  ">

  I am feeling sad, because this was completely avoidable. We had time to prepare. We should have taken this threat much more seriously and have been much better prepared. #CoronavirusPandemic https://t.co/dpRTCg8No9

  — Rahul Gandhi (@RahulGandhi) March 24, 2020

"చాలా బాధాకరంగా ఉంది. ఎందుకంటే ఇవి పూర్తిగా నివారించదగిన పరిస్థితులు(మాస్కుల కొరతనుద్దేశించి). మనం సిద్ధం కావడానికి సమయం లభించింది. ఈ ముప్పును మరింత తీవ్రంగా పరిగణించి సంసిద్ధంగా ఉండాల్సింది."

-రాహుల్ గాంధీ, కాంగ్రెస్ నేత

మరోవైపు కాంగ్రెస్ అధికార ప్రతినిధి రణ్​దీప్​ సుర్జేవాలా సైతం ప్రభుత్వ తీరుపై విమర్శలు చేశారు. వైరస్ బాధితులకు చికిత్సనందించే వైద్య సిబ్బంది వ్యక్తిగత రక్షణార్థం ప్రభుత్వం సరైన పరికరాలు అందించలేదని ఆరోపించారు. ఫిబ్రవరి 1 నుంచి మార్చి 2 మధ్య సిబ్బందికి ఈ పరికరాలు ఇవ్వడంలో కేంద్రం నేరపూరితంగా వ్యవహరించినట్లు పేర్కొన్నారు.

"ప్రధానమంత్రి నరేంద్ర మోదీ గారు.. కరోనాపై పోరాడుతున్న డాక్టర్లు, నర్సులు, వైద్య నిపుణుల సేవలను అభినందిస్తూ మార్చి 22 సాయంత్రం 5 గంటలకు చప్పట్లు కొట్టాం. అయితే వారికి కావాల్సింది చప్పట్లు కాదు. రక్షణ కావాలి. వారు కోరుకుంటున్నది కూడా అదే. ఐదు రోజుల క్రితం(మార్చి 19 నాటికి) వరకు భారత్​లో అందుబాటులో ఉన్న పరికరాలు, వెంటిలేటర్లను విదేశాలకు ఎగుమతి చేసేందుకు వాణిజ్య శాఖ అనుమతి ఇచ్చింది. మీ మంత్రులే ఈ నేరపూరిత చర్యలకు పాల్పడ్డారు."-రణ్​దీప్ సుర్జేవాలా, కాంగ్రెస్ ప్రధాన ప్రతినిధి

భారత్​కు ఇప్పుడు 7 లక్షల హెజ్మత్​ సూట్లు, 60 లక్షల ఎన్​-95 మాస్కులు, కోటి 'మూడు లేయర్ల మాస్కులు' అత్యవసరమని సుర్జేవాలా అన్నారు.

ఇదీ చదవండి: కరోనా ఎఫెక్ట్- వీడియో కాన్ఫరెన్స్​లోనే పెళ్లి