దేశంలో కరోనా కేసుల సంఖ్య 73కు చేరింది. తాజాగా 13 కేసులు(మహారాష్ట్రలో తొమ్మిది, దిల్లీ, ఉత్తరప్రదేశ్, లద్దాఖ్లో ఒక్కొక్కటి) నమోదైనట్లు కేంద్ర ఆరోగ్య శాఖ ప్రకటించింది.
మొత్తం 73 మంది బాధితుల్లో 17 మంది విదేశీయులు.
రాష్ట్రాల వారీగా...
కేరళలోనే ఎక్కువ కేసులు నమోదయ్యాయి. మొత్తం 17 మంది మహమ్మారి బారిన పడ్డినట్లు ఆ రాష్ట్ర అధికారులు తెలిపారు. దిల్లీలో 6, ఉత్తరప్రదేశ్లో 10, కర్ణాటకలో నాలుగు, మహారాష్ట్రలో 11, లద్దాఖ్లో ముగ్గరికి పాజిటివ్ కేసులు నమోదైనట్లు ఆరోగ్య శాఖ వెల్లడించింది. రాజస్థాన్, తెలంగాణ, తమిళనాడు, జమ్ముకశ్మీర్, పంజాబ్ రాష్ట్రాల్లో ఒక్కొక్కరికి చొప్పున వైరస్ సోకినట్లు ఆయా రాష్ట్రాలు తెలిపాయి.
ఇటలీకి వైద్య బృందం....
ఇటలీలో చిక్కుకున్న భారతీయ విద్యార్థుల నమూనాలను స్వీకరించటానికి ఓ వైద్య బృందం గురువారం ఆ దేశానికి వెళ్లనున్నట్లు అధికారులు తెలిపారు. వారికి వైద్య పరీక్షలు చేసిన తర్వాత స్వదేశానికి తీసుకురానున్నట్లు స్పష్టం చేశారు. ఇప్పటికే ఇరాన్ నుంచి ప్రత్యేక విమానం ద్వారా 58 మంది భారతీయులను స్వదేశానికి తీసుకు వచ్చింది కేంద్రం. వీరికి వైద్య పరీక్షలు నిర్వహిస్తున్నారు అధికారులు.
ఇదీ చూడండి:హిమాచల్ హిమమయం- రాకపోకలకు అంతరాయం
