రాజస్థాన్లోని జోధ్పుర్లో.. కరోనా సోకి గృహ నిర్బంధంలో ఉన్న ఓ వ్యక్తి ఆత్మహత్య చేసుకున్నాడు. వైరస్తో మానసిక ఒత్తిడికి లోనుకావడం వల్లే.. బలవన్మరణానికి పాల్పడ్డాడని పోలీసులు తెలిపారు.
ఇదీ జరిగింది..
36ఏళ్ల శ్రామిత్ మాలి ఇటీవలే కొవిడ్ బారినపడ్డారు. వైద్యుల సూచన మేరకు ఐదు రోజులుగా గృహ నిర్బంధంలో ఉన్నాడు. అయితే గత కొంతకాలంగా భార్యతో శ్రామిత్కు కలహాలు ఉన్నట్టు తెలుస్తోంది. శ్రామిత్ భార్య అతడ్ని వదిలేసి.. పుట్టింటికి వెళ్లిపోయింది.
ఈ నేపథ్యంలో.. ఓవైపు కరోనా, మరోవైపు భార్యతో తగాదాల వల్ల ఒత్తిడిని భరించలేక తన గదిలోనే ఉరివేసుకుని ఆత్మహత్యకు పాల్పడ్డాడు శ్రామిత్. ఈ విషయాన్ని అతడి తండ్రి గుర్తించాడు.
సమాచారం అందుకున్న పోలీసులు.. సంఘటనా స్థలికి చేరుకుని మృతదేహాన్ని పరిశీలించారు. అనంతరం ఆ మృతదేహాన్ని కుటుంబ సభ్యులకు అప్పగించారు.
ఇదీ చదవండి: కోర్టుకు రూ.10కోట్ల జరిమానా చెల్లించిన శశికళ
