తమిళనాట లక్ష దాటిన కరోనా కేసులు

తమిళనాడులో కరోనా విలయం సృష్టిస్తోంది. ఇప్పటివరకు నమోదైన కేసుల సంఖ్య లక్ష దాటింది. గత 24 గంటల వ్యవధిలో కొత్తగా 4,329 కేసులు నిర్ధరణ అయినట్లు తమిళనాడు వైద్య శాఖ ప్రకటించింది. దీంతో రాష్ట్రంలో కేసుల సంఖ్య 1,02,721కి చేరింది. కొత్త కేసుల్లో 2,082 మంది బాధితులను చెన్నైలోనే గుర్తించినట్లు అధికారులు తెలిపారు.  

కరోనా కారణంగా గత 24 గంటల్లో 64 మంది ప్రాణాలు కోల్పోగా.. మొత్తం మృతుల సంఖ్య 1,385కి చేరినట్లు వైద్య శాఖ వెల్లడించింది. రాష్ట్రంలో ప్రస్తుతం 42,955 యాక్టివ్ కేసులు ఉన్నట్లు తెలిపింది.