కోల్కతా మాజీ పోలీసు కమిషనర్ రాజీవ్ కుమార్ చుట్టూ ఉచ్చు బిగుస్తోంది. శారదా కుంభకోణం కేసులో రాజీవ్ను అరెస్టు చేసేందుకు కేంద్ర దర్యాప్తు సంస్థ రంగంలోకి దిగింది. రాజీవ్ కుమార్ కోసం నగరంలోని అనేక ప్రాంతాల్లో గాలింపు చర్యలు చేపట్టారు అధికారులు. శుక్రవారం ఉదయం 11 గంటల్లోగా విచారణకు హాజరుకావాలని నోటీసులు జారీ చేశారు.
అరెస్టు వారెంట్ ఇవ్వండి
కేసు విచారణకు సహకరించకుండా.. తమ నోటీసులకు స్పందించకుండా తప్పించుకు తిరుగుతున్న మాజీ సీపీని అరెస్టు చేసేందుకు వారెంట్ ఇవ్వాలని కోల్కతా కోర్టులో పిటిషన్‌ దాఖలు చేసిన సీబీఐ.... రాజీవ్ ఫోన్ నెంబర్‌ కోసం డీజీపీకి లేఖ రాసింది.
అయితే సీబీఐ ఆరోపణలను రాజీవ్కుమార్ తరఫు న్యాయవాదులు తోసిపుచ్చారు. ఈనెల ఒకటో తేదీ నుంచి 25వరకు రాజీవ్ అందుబాటులో ఉండని విషయాన్ని ఇంతకుముందే తెలియజేసినట్లు స్పష్టం చేశారు.
ముమ్మర గాలింపు
మాజీ సీపీ కోసం సీబీఐ అధికారులు ముమ్మరంగా గాలింపు జరిపారు. అలీపుర్‌లోని IPS అధికారుల మెస్‌, 5నక్షత్రాల హోటల్‌తోపాటు మరికొన్ని చోట్ల గాలించారు. మాజీ సీపీ రాజీవ్‌కుమార్‌ను అరెస్ట్‌ చేయకుండా ఇచ్చిన ఉత్తర్వులను కలకత్తా హైకోర్టు. గతవారం రద్దు చేసింది.
ఇదీ చూడండి: నేడు జీఎస్టీ కౌన్సిల్ మీటింగ్.. పన్ను తగ్గింపే లక్ష్యం!
