ప్రధాన మంత్రి గరీబ్ కల్యాణ్ అన్న యోజన కింద దేశంలోని పేదలందరికీ మరో 5 నెలలు ఉచితంగా రేషన్ అందించేందుకు కేంద్ర కేబినెట్ ఆమోదం తెలిపింది. ఇందుకోసం రూ. లక్షా 49వేల కోట్లు కేటాయించనున్నట్లు కేంద్ర సమాచార, ప్రసార మంత్రి ప్రకాశ్ జావడేకర్ తెలిపారు. 81కోట్ల మంది ప్రజలకు ప్రయోజనం చేకూరుతుందన్నారు.
దేశంలోని 7.4 కోట్ల మంది పేద మహిళలకు మరో 3నెలల పాటు ఉచిత ఎల్పీజీ సిలిండర్లు అందించేందుకు, ఉద్యోగుల ఈపీఎఫ్ భారాన్ని(ఉద్యోగి వాటా12శాతం+ యజమాని వాటా 12శాతం) మరో 3 నెలల పాటు కేంద్రమే భరించేందుకు కేబినెట్ ఆమోదం తెలిపినట్లు జావడేకర్ వెల్లడించారు.
ఉచిత ఎల్పీజీ గ్యాస్ సిలిండర్ల ద్వారా 7.4 కోట్ల మంది పేద మహిళలు, ఈపీఎఫ్ ద్వారా 72లక్షల మంది ఉద్యోగులు ప్రయోజనం పొందుతారని జావడేకర్ పేర్కొన్నారు.
ఇదీ చూడండి: 'ట్రస్ట్' పాలిటిక్స్: చట్ట ఉల్లంఘనా? కక్షసాధింపా?
