దిల్లీ వీధుల్లో ఘనంగా బీటింగ్​ రీట్రీట్​ వేడుక

దిల్లీ వీధుల్లో బీటింగ్​ రీట్రీట్​ కార్యక్రమం ఘనంగా జరిగింది. గణతంత్ర వేడుకల ముగింపునకు చిహ్నంగా ఈ బీటింగ్​ రీట్రీట్​ను నిర్వహిస్తారు. రాష్ట్రపతి రామ్​నాథ్​ కోవింద్​, ప్రధాని మోదీ సహా వందలాది మంది ప్రజలు ఇందులో పాల్గొన్నారు.

గణతంత్ర వేడుకల ముగింపునకు చిహ్నంగా జరిగే బీటింగ్‌ రీట్రీట్‌ కార్యక్రమం ఘనంగా జరిగింది. దేశరాజధాని దిల్లీలోని విజయ్‌చౌక్‌లో కన్నులపండువగా బీటింగ్‌ రీట్రీట్‌ కార్యక్రమం సాగింది. సైన్యానికి చెందిన 14 సంగీత బ్యాండ్లు.. ఈ ఏడాది ప్రదర్శన ఇచ్చాయి.

కార్యక్రమానికి రాష్ట్రపతి రామ్‌నాథ్ కోవింద్‌, ఉపరాష్ట్రపతి వెంకయ్యనాయుడు, ప్రధాని నరేంద్ర మోదీ హాజరయ్యారు. గణతంత్ర వేడుకల్లో పాల్గొనేందుకు వచ్చిన సేనలు.. తిరిగి స్థావరాలకు వెళ్లేందుకు ఈ వేడుకను ఏటా ఆనవాయితీగా నిర్వహిస్తారు.

ఇదీ చూడండి:- నిరసనకారులకు 'కారం'తో సామాన్యుడి జవాబు!